Maika 2:9 - JAM DE NHIALIC 2011

⁹ Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

Maika 2:9 ပူးပေါင်းရင်းမြစ်များ

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Jeremia 10:20

Pɛɛnykuɔ acïk riääk, wïïn ee keek muk acïk tuɛny. Mïthkuɔ acïk lɔ roor kedhie, acïn raan cï döŋ raan bï pɛɛnykuɔ bɛ piäät, acïn raan nök lupɔɔken.”

Edhekiɛl 39:21

Go Bɛ̈nydït lueel an, “Yɛn bï juöör tɔ tïŋ dhuëëŋdï, ku nyuöth keek luɔi ee Yɛn riɛldï tɔ loi löŋdiën yic cä lueel.

Jowɛl 3:6

Wek cï kɔc ke Juda, ku kɔc ke Jeruthalem ɣɔ̈c kɔc ke Girikii, jatkï keek pinyden ku leerkï ke tëmec.

Amoth 2:7

Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Mak 12:40

kek ee kɔc ë ɣööt ke diëër thum cam, agokï kërɛɛcden aa thiaan në luɔi ee kek lɔ̈ŋ tɔ bäär, kɔckë abïk këtuc gök yïk.

Luk 20:47

ku yek ɣööt ke diëër cïn nïïm röör cam yiic, ku yek lɔ̈ŋ ë lɔ̈ŋ bäär thiɛɛn kek kërɛɛcden: këdɛn tuc bïk yök kek ee kɔckë abï dït!”

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

1 Tham 26:19

Ënɔɔnë, tɔ bɛ̈nydï melik, piŋ këdiën luɛɛl. Na ee Bɛ̈nydït yen cï yïn puɔ̈k nɔm ɛn, miɔ̈c cï gäm en abï yen tɔ waar E nɔm, ku na ee kɔc kek ë looi yen, ke aciɛɛn de Bɛ̈nydït abï lööny në kegup, në biäk cïï kek ɛn cuɔp wei piny de Bɛ̈nydït ku leerkï yɛn piny duɛ̈ɛ̈r ɛn yiëth lei lɔ lam.