Maika 2:4 - JAM DE NHIALIC 2011

⁴ Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Maika 2:4 ပူးပေါင်းရင်းမြစ်များ

2 Tham 1:17

Go Debid din ë thuɔɔu ket në biäk de Thaulo kekë wëndɛn Jɔnathan.

2 Lëk 35:25

Go Jeremia diɛt ke dhiëëu cak në këde thon ë melik Jothia. Agut cï ee köölë kɔc ke Yithriɛl, röör ku diäär ayek diɛt ket dhiëëu kek en. Ku dinë aaye yök në diɛt ke dhiëëu cï ke määt yiic.

Jop 27:1

Go Jop ŋoot ke jam, lueel an:

Yith 14:4

Të looi yen ee kënë, abïk melik de Babilonia aa dɔl guöp ku lueelkï an, “Melik de guöp akuöörkuöör ë wïïk! Acïn raan bïï bɛ yɔŋ!

Yith 24:3

Piny abï riääk arëët ku nhiɛɛny. Acïï Bɛ̈nydït lueel ku abï rɔt looi

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 6:12

Ɣöötken abï keek gäm kɔc kɔ̈k, ayï duumken ayï diëërken. Yɛn bï kɔc ke ee piny luöi këtuc.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Edhekiɛl 16:44

Go Bɛ̈nydït lueel an, “Kɔc abïk ee kääŋë lueel në biäkdu, yïn Jeruthalem: ‘Cït man, cït nyande.’

Edhekiɛl 2:10

Go ciin biöök petic, guɔ kë cï gɔ̈ɔ̈r tïŋ në biäk kedhie, dhiëëu, ku dhuöör ku amawoou acï ke gɔ̈ɔ̈r ëtɛ̈ɛ̈n.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:8

Dhiaukï cït man ë nyan dhueny dhiëëu monydɛn ë dhuuk kek cï ye thiaak.

Amoth 5:1

Piɛŋkï dinë, baai de Yithriɛl, piŋ din dhiëëu Ɛn yïn arëët.

Amoth 5:17

Ku anuɔɔn abï lɔ pat ë duum yiic kedhie, në luɔi cän bɛ̈n bä week bɛ̈n luöi këtuc. Yen kë cïï Bɛ̈nydït lueel ka.

Maika 1:15

Wek kɔc ke Mareca, wek bä bɛ yiɛ̈n kɔc bï we bɛ̈n peec. Ka bänydït ke Yithriɛl abïk lɔ thiaan në kök yic në Adulam.

Maika 1:8

Go Maika lueel an, “Yɛn bï dhiau në baŋ de ee kërɛɛcë, ku tuaar arëët. Ku yɛn bï jiɛth ë yɛn piɔ̈u nyuɔɔth në tuëny tuɛny ɛn a guöp, ku cath në yakɔ̈u. Ku yɛn bï war bɛ̈ɛ̈i bei, ku cath në yacök. Yɛn bï dhiau cït man ë kɔ̈ɔ̈rgɔl, ku kiɛɛu cït man ë wuut.

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Ɣabakuk 2:6

Ku ade kööl bɔ̈ kööl bïï kɔc cïk peec keek bɛ dɔl gup, ku lëkkï keek an, “Wek ee kajuëc cie kakun nööm, Amawoou në week, Nhialic abï we luöi këtuc. Agut cï nɛn bä wek kuɛth cuuth në wëu yak dhɛ̈n kɔc ku bɛkï ke kɔ̈ɔ̈ny në riɛl?

Dhep 1:2

Acïï Bɛ̈nydït lueel an, “Këriëëc ëbɛ̈n abä riɔ̈ɔ̈k në pinynɔm,

Kuɛ̈n 23:18

Go Balaam jam jɔ gɔl lueel an, “Bä, Balak wën ë Dhipor, bä piŋ ke luɛɛl.

Kuɛ̈n 23:7

Go Balaam jamde gɔl an, “Balak ë ya bɛ̈ɛ̈i piny de Aram, Meliŋ de Mowap acï ya diëc në kur ke aköl amiäk acï lɛ̈k ɛn an, “Bä ciënë yɛn baai de Jakop, Bä ciënë yɛn kɔc ke Yithriɛl!’

Kuɛ̈n 24:15

Ku jɔ ee jamë bɛ̈n lueel an: “Kënë ee jam de Balaam wën ë Beyor, jam de raan daai nyin ëgɔk.

Kuɛ̈n 24:3

go jam gɔl an, “Kënë ee jam de Balaam wën ë Beyor, ee jam de raan daai nyin ë gɔk.

Mak 12:12

Gokï piɔ̈ɔ̈th dɛ luɔi dɔm kek en, ku acïk riɔ̈ɔ̈c ë kut ë kɔc: acïk guɔ ŋic nɔn ë lueel en ë kääŋë në këden: agokï pɔ̈l, ku jëlkï.

Nyöŋ 28:29

We bï aa tɔ̈u ë paarpaar aköl cït man ë raan cï cɔɔr, ku we cïï kueerdun bï yök thar. Wek cïï bï kuɛth në këriëëc yak looi yic ëbɛ̈n. Wek bïï aa yɔŋ ë ceŋ, ku rum week, ku abï ciën raan kony week.