Maika 1:8 - JAM DE NHIALIC 2011

⁸ Go Maika lueel an, “Yɛn bï dhiau në baŋ de ee kërɛɛcë, ku tuaar arëët. Ku yɛn bï jiɛth ë yɛn piɔ̈u nyuɔɔth në tuëny tuɛny ɛn a guöp, ku cath në yakɔ̈u. Ku yɛn bï war bɛ̈ɛ̈i bei, ku cath në yacök. Yɛn bï dhiau cït man ë kɔ̈ɔ̈rgɔl, ku kiɛɛu cït man ë wuut.

Maika 1:8 ပူးပေါင်းရင်းမြစ်များ

2 Mel 18:13

Në ruöön ë thiëër ku ŋuan ye Ɣedhekia melik, ke melik Thenakerip de Athiriya mɛk wuötdït ke Juda cï gël ëbɛ̈n ku dɔm keek.

Ethta 4:1

Na wën aa lɔ Modekayo kë cï looi ŋic, ke ret lupɔɔ yiic ë yekɔ̈u, ku tɛ̈ɛ̈u lupɔɔ ke cuɔl, ku wɛ̈l ŋeth ë yenɔm në dhiën ë piɔ̈u ku lee wutic cil ke dhiau ë röldït, ke cï piɔ̈u kɛc në jiɛth ë piɔ̈u,

Jop 30:29

ku yɛn ee mänhë kɔ̈ɔ̈rgɔl në dhiëndï yic, ku määth wo wuut në rëërdï yatök,

Diɛt 102:6

Yɛn cït din roor nu ë jɔ̈ɔ̈ric, abä ciët agumut tɔ̈u paan cï riääk.

Yith 13:21

Abï aa të bï läi ke jɔ̈ɔ̈ric aa rëër thïn ku yïk agumuut ɣöötken, ku wuut abïk rëër ëtɛ̈ɛ̈n, ayï bɔɔth roor abïk aa thuëëc ëtɛ̈ɛ̈n.

Yith 13:22

Ɣööt bär ku ɣööt ke bääny ayek awuɔɔu de aŋuööth ku kɔ̈ɔ̈rgɔl aa gamic ëbɛ̈n. Kööl de Babilon ëbɛ̈n! Aköölke acïk thiɔ̈k ë thök.”

Yith 16:9

Ënɔɔnë yɛn dhiëëu tiim ke Thibima cït man dhiëëu ɛn Jadher. Ku löny pïïukï në biäk de Ɣecbon ku Eliɛla, në luɔi cïn en tëm bï kɔc tɔ mit piɔ̈ɔ̈th ëtɛ̈ɛ̈n.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 22:4

Ënɔɔnë nyääŋë ya piny ke ya dhiëëu kɔckiën cï thou. Ku duökï them bäk ya duut piɔ̈u.

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:19

Piɛŋkï röl ë dhiëëu ë Dhiɔn an, Wok cï riääk! “Wok cï jɔ riääk taitai! Wok bï pinyda dhil nyääŋ piny, ɣöötkuɔ acï keek thuöör piny.”

Edhekiɛl 32:18

“Mɛnh ë raan, dhiëëuwë kɔc juëc ke Rip. Tuɔɔcë keek ë piny kekë juöör ril kɔ̈k paan ë thuɔɔu.

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

1 Tham 19:24

Ago lupɔɔke yɔ̈ɔ̈t bei, ku cɔ̈ŋ, ku cɛɛr käŋ në Thamwɛl nɔm, ku tɔ̈ɔ̈c piny ke cïn kɔ̈u lupɔ, ee köölë ëbɛ̈n, ku niin në yekɔ̈u ë wɛ̈ɛ̈ric ëbɛ̈n. (Yen të ë bïï ë kääŋ ka, an, “Ayï Thaulo ayadäŋ cï bɛ̈n aa tiët?”)