Maika 1:6 - JAM DE NHIALIC 2011

⁶ Ago Bɛ̈nydït lueel an, “Thamaria abä riɔ̈ɔ̈k taitai, abï döŋ piny ke ye akuut ke tiɔp. Ku Yɛn bï kur ke ɣöötke thɔɔc nïïm në wakic, ku riäär këërkëër ke ɣöötke piny liŋliŋ. Ku ta ye duum bï kɔc aa com thïn.

Maika 1:6 ပူးပေါင်းရင်းမြစ်များ

2 Tham 17:13

Ku na cï Debid rɔt kual wutic, ke kɔc ke Yithriɛl kedhie, abïk awiɛɛth bɛ̈ɛ̈i ee wunë, ku thelkï wut ë wakic. Ku acïn kɔi töŋ bï döŋ ëtɛ̈ɛ̈n.”

2 Mel 18:10

Go tuɔɔk ku në thök de run kadiäk go Thamaria wïïk, ku yen aye ruöön de dhetem ye Ɣedhekia melik, ku aaye ruöön de dhoŋuan ye Ɣocia melik de Yithriɛl.

2 Mel 18:9

Na ɣɔn ë ruöön ë ŋuan ye Ɣedhekia melik, ku ye ruöön ye Ɣocia wën de Ela run dhorou ke ye melik de Yithriɛl, go Calmanether melik de Athiriya Yithriɛl mak ku took Thamaria.

2 Mel 19:25

Ku kɛ̈në kɔn piŋ nɔn yen Ɛn? Yɛn Bɛ̈nydït, Yɛn ë kïït en ɣɔn thɛɛr, ku ta loi rɔt ënɔɔnë yen luɔi bï yïn wuöt ku ɣään ke riɛl dhuɔŋ piny abïk aa dhuur nɔm.

Yith 17:1

Go Bɛ̈nydït lueel an, “Damathko acï bï bɛ aa pänydït, abï ya dhuur de ɣööt cï riääk.

Yith 25:12

Abï ɣään bär ke Mowap cï gël riɔ̈ɔ̈k, ku jiëp kɛ̈l ke piny në abuui yic.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Jeremia 31:5

Wek bï duum ke enap bɛ nyɔk ë cum ë kur kor ke Thamaria nïïm, ku kɔc ë com keek abïk mïth ke enap bï luɔk cam.

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhiëëu 4:1

Adhääp acïï be lɔ riauriau, adhäm awai acï rɔt waar, kur ɣeriic ke Luaŋdït acï ke wɛɛr piny ë kuɛɛr yiic ëbɛ̈n.

Edhekiɛl 13:14

Akaar bä pänydɛn cïk rɔɔth kɔ̈u në kïn ɣer jäp piny, ku riäär piny, ku nyääŋ kur ke këërkëër piny kapäc. Abï löny ku nɛ̈k week wedhie. Ëtɛ̈ɛ̈n abïï ë raan ëbɛ̈n jɔ ŋic nɔn ee yɛn Bɛ̈nydït.

Ɣodh 13:16

Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 6:8

Bɛ̈nydït Awärjäŋ acï kuëëŋ në rinke, ku lueel an, “Yɛn man lɛc de kɔc ke Yithriɛl, ku maan ɣäänkɛn ril. Pänydïïtden abä gäm kɔckɛn ke ater, ayï kakɛn tɔ̈u thïn kedhie.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”