Luk 9:39 - JAM DE NHIALIC 2011

³⁹ Ku tïŋ, aye jɔk dɔm, go dap röl ëthiäu, aye tɔ lɔ juɔ̈kläŋ, abï ayɔ̈k gut ë yethok, ku acie dap pɔ̈l, aye kɔn bɔ̈ɔ̈t guöp.

Luk 9:39 ပူးပေါင်းရင်းမြစ်များ

Mak 9:18

Ku të de en të dɔm en en, ke deeny piny: ago ayɔ̈k gut ë yethok, ku reem e lec, go lɔ ke nɔl: guɔ lɛ̈k kɔckuön ë piööcë luɔi bï kek e cieec, ku akënkï lëu ë ciëc.”

Mak 9:20

Gokï bɛ̈ɛ̈i të nu Yecu. Na wën, aacï jɔŋ rac Yecu tïŋ, ke jɔ meth tɔ lɔ juɔ̈kläŋ, go meth wïïk, ku dɛɛl rɔt piny abï ayɔ̈k gut ë yethok.

Mak 9:26

Go jɔŋ rac kiiu, ku tɔ meth lɔ juɔ̈kläŋ, ku jɔ bɛ̈n bei: arëk abï ë tëdït ë kɔc juëc e lueel an, “Raan acï thou!”

Luk 4:35

Go Yecu jɔ̈ɔ̈ny an, “Mim, ku bä bei ë yeguöp.” Na wën, ke jɔŋ rac jɔ raan wit ë kɔc yiic cil, ku jɔ bɛ̈n bei ë yeguöp, ku kën yiëk tëtök.

Luk 8:29

Acï jɔŋ rac kɔn yɔ̈ɔ̈k an, Bä bei ë raan guöp. Aa ye cool ë dɔm en e: go aa rek kuɛɛt ku joth, ku jɔ aa tiit, ku jɔ ka ye ke yen mac aa dhoŋ, ku ye jɔŋ rac thɛl ë jɔ̈ɔ̈ric.

Luk 9:38

Na wën, ke raan töŋ ë kut ë kɔc yiic cöt an, “Bɛ̈ny, yïn läŋ, woi wëndï: ee mɛnhdiën tök:

Luk 9:40

Aguɔ kɔckuön ë piööcë lɔ̈ŋ an, bïk cieec biic, agokï cuö lëu.”

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

Nyuuth 9:11

Ku adekï melik nu ë kenïïm, yen aye tunynhial de adhum thuth cïï thar tiëc, rinke acɔl Abadon ë thoŋ ë Ɣeberuu, ku cɔlke Apoliɔn ë thoŋ de Girikii.