Luk 9:32 - JAM DE NHIALIC 2011

³² Ku Petero kekë kɔc cath në yen acï nïn ke nɔ̈k: na wën, aa cïk guɔ pääc, ke ke jɔ dhuëëŋde tïŋ, ku tïŋkï kɔc kaarou ke ke kääc në yen.

Luk 9:32 ပူးပေါင်းရင်းမြစ်များ

Yith 60:19

“Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Danyel 10:9

Wën piɛŋ ɛn en röl, guɔ wïïk piny ka ya cï thöök, ku ja tɔ̈u piny ëtɛ̈ɛ̈n ke ya gut yanɔm piny.

Danyel 8:18

Ku të wën jiɛɛm en, yɛn cï wïïk piny ku thɔ̈ɔ̈k. Go ya dɔm ku jɔt ya nhial abä kɔ̈ɔ̈c në yecök,

Mak 14:40

Na wën, ke be enɔm puk, ku be ke yök anin, acïk thiai, ku akuckï bëër bï kek e bɛ̈ɛ̈r.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.