Luk 9:27 - JAM DE NHIALIC 2011

²⁷ Ka wek lɛ̈k yic an, ade kɔc kääc ee tënë, kɔc cïï thuɔɔu bï thiëëp, të ŋoot kek ke ke kën ciɛɛŋ de Nhialic kɔn tïŋ.”

Luk 9:27 ပူးပေါင်းရင်းမြစ်များ

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Mak 14:25

Wek yɔ̈ɔ̈k ëyic an, Yɛn cïï bï bɛ dek në mïth ke enap, të ŋoot ë kööl wadäŋ kööl bän bɛ dek ë ye ë ciɛɛŋ de Nhialic yic.”

Mak 9:1

Go lɛ̈k keek an, “Wek yɔ̈ɔ̈k ëyic an, Ade kɔc kɔ̈k ë kɔc yiic kɔc kääc eetënë, kɔc cï thuɔɔu bï thiëëp, të ŋoot kek ke ke kën ciɛɛŋ de Nhialic tïŋ ke bɔ̈ kekë riɛldït.”

Luk 2:26

Acï Wëidït ɣer kɔn lɛ̈k en an, Yïn cïï bï thou, të ŋoot yïn ke yï kën Kërtho de Bɛ̈nydït kɔn tïŋ.

Luk 22:18

Wek yɔ̈ɔ̈k an, Yɛn cïï bï bɛ dek në mïth ke enap, të ŋootë ciɛɛŋ de Nhialic ke kën bɛ̈n.”

Jɔn 14:2

Paan ë Wäär ade yic ɣööt juëc: tëë ke liu, adï cä lɛ̈k week. Yɛn lɔ la tëdun guik.

Jɔn 16:7

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week.

Jɔn 8:59

Gokï kur kuany piny lek biɔ̈ɔ̈k: go Yecu thiaan, na wën, ke jël ë Luaŋdïtic le biic, aa tëk ë keyiic cil, bɛɛric aya.

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.