Luk 9:26 - JAM DE NHIALIC 2011

²⁶ Raan cï guöp riɔ̈ɔ̈c në biäkdï ku në biäk de wëlkï, raanë abï Wën ë Raan guöp riɔ̈ɔ̈c në biäkde, të bï yen ke dhuëëŋ de yenguöp, ku dhuëëŋ de wun, ku dhuëëŋ de tuucnhial ɣeriic.

Luk 9:26 ပူးပေါင်းရင်းမြစ်များ

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Jɔn 12:43

aake nhiaar lɛc de kɔc awär lɛc de Nhialic.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

Galatai 6:14

Ku yɛn, lɛc bän rɔt leec aliu ëtaiwei, ee këde tim cï rïïu nɔm etök, tim de Bɛ̈nydan Yecu Kërtho, raan cï ka ke piny nɔm tɔ piëëtë ëtim kɔ̈u tëde yɛn, ku piëëtë ya ë tim kɔ̈u tëde ka ke piny nɔm.

1 Tim 5:21

Yïn yɔ̈ɔ̈k ë Nhialic nɔm, ku Bɛ̈nydan Yecu Kërtho nɔm, ku tuucnhial ɣer yiic cï lɔc nïïm an, Ye kakë döt apiɛth, ku du ŋɛk ee nhiaar ku man ŋɛk, ku du këdäŋ ee looi ke yï kuany kɔc yiic.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 2:12

Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.