Luk 8:47 - JAM DE NHIALIC 2011

⁴⁷ Na wën, aacï tik e tïŋ nɔn cïï en duëër mɔɔny, ke jɔ bɛ̈n ke lɛthë, bï ku cuɛt rɔt piny ë yenɔm, go lɛ̈k en ë kɔc nïïm kedhie yen kë jiɛk en en, ku dem cï en dem ënɔnthiinë.

Luk 8:47 ပူးပေါင်းရင်းမြစ်များ

Diɛt 2:11

Luööikï Bɛ̈nydït në riɔ̈ɔ̈c. Yak röt tɔ lɛthë

Diɛt 38:9

Yïn ŋic kë kaar Bɛ̈nydït, ku Yïn ee teerdï piŋ.

Diɛt 66:16

Bäk piëŋkï, wek kɔc ee Nhialic dhuëëŋ guöp, ku wek bä lëk kë cï luöi yɛn.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Ɣodh 13:1

Të jiɛɛm ë dhiën ë Eparaim ɣɔn, dhiën kɔ̈k aake ye lath. Eparaim acï dhuëëŋ guöp në Yithriɛl. Ku ënɔɔnë, acïk wäc në läm ye kek Baal lam, ka abïk thou në biäk ee kënë.

Ɣodh 5:3

Yɛn ŋic Eparaim apiɛth, ku Yithriɛl acïï muɔɔny tëde Ya. Ku ënɔɔnë, Eparaim yïn ë köör. Ku Yithriɛl yïn ë rɔt riɔ̈ɔ̈k.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Math 28:8

Gokï dap jäl ë raŋ nɔm, ariɔ̈ckï tei, ku amitkï piɔ̈ɔ̈th ayadäŋ, gokï kat lek jam lëk kɔckɛn ë piööcë.

Mak 5:33

Go tiiŋë bɛ̈n, ke riɔ̈c ku lɛthë, aŋic kë cï luöi yen, bï ku cuɛt rɔt piny ë yenɔm, jɔ guiëër yith ëbɛ̈n.

Luk 8:46

Go Yecu lueel an, “Ade raan töŋ cï a jak: aŋiɛc nɔn cï ë riɛl bɛ̈n bei ë yeguöp.”

Luk 8:48

Go yɔ̈ɔ̈k an, “Nyandï, rit rɔt: gämdu acï yï tɔ dem, acïn kërac.”

Luɔi 16:29

Na wën, ke cööl mac, ku kɛ̈ɛ̈c ɣöt, bï ke lɛthë, ku jɔ wïïk në Paulo nɔm kekë Thila.

1 Kor 2:3

Ku yɛn aaye rëër ë weyiic ke ya kɔ̈c, ku riääc, ku lɛthë yɛn arëët.

2 Kor 7:15

Ku täŋ tɛk en week acï yenyin ŋuak, të tɛk en enɔm në piŋ cä wek käŋ piŋ wedhie, ku nyuuc cä wek e nyuööc në riɔ̈ɔ̈c kekë lɛ̈thëguöp.

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

1 Tham 16:4

Ago Thamwɛl kë cïï Bɛ̈nydït lɛ̈k en looi, go jäl ke lɔ Bethleɣem. Na wën aa tïŋ ë röördït ke wut, ke ke lɛth ë riɔ̈ɔ̈c keek. Gokï loor nɔm lek luɔp, an, “Ee këpiɛth yen ciɛɛth yïn bɛ̈ny?”