Luk 8:42 - JAM DE NHIALIC 2011

⁴² ade nɔm nyan tök tei, runke acïtkï thiëër ku rou, ku adhɔt piny ke kɔɔr thuɔɔu. Go lɔ, ku jɔ giŋ ë kut ë kɔc.

Luk 8:42 ပူးပေါင်းရင်းမြစ်များ

Jop 4:20

Në kaam de adurduur kekë thëën ayek thou ananden ke kuckï röt.

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Edhekiɛl 24:16

“Mɛnh ë raan, në yum tök, yɛn bï raan nhiaar në piɔ̈ndu ëbɛ̈n lɔ jɔt. Yïn cïï bï gööny ku du dhiau ku du pïïu lööny piny.

Edhekiɛl 24:25

Go Bɛ̈nydït lueel an, “Ënɔɔnë, mɛnh ë raan, yɛn bï Luaŋdït ril jɔt tëde keek, kë wään ye kek kenïïm ɣääc, ku ye miɛtëpiɔ̈u, kë yek nhiaar bïk aa woi ku yek lɔ kɛ̈ny. Ku yɛn bï wɛ̈ɛ̈tken ku duetken jɔt.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Mak 5:24

Go lɔ kekë yen, ku kuany cök ë kut dïït ë kɔc, gokï giŋ.

Luk 7:12

Na wën, aacï ɣet ë kalthok ë pänydït dï, ke jɔ rɔ̈m ke raan cï thou aket ë kɔc, leerë roor, ku ye mɛnh tök në man nɔm, ku man acïn nɔm moc: ku cath kut ë kɔc ke pänydït në yen.

Luk 8:41

Na wën, ke raan bɔ̈ raan cɔl Jairo, ku ye bɛ̈ny ë ɣön ë Nhialic: ku jɔ rɔt cuat piny ë Yecu cök, ago lɔ̈ŋ an, bï bɛ̈n ɣönde,

Luk 8:43

Ku tik anu, tiiŋ ë cool ë kuëër ë riɛm ë run kathiëër ku rou, ku acï wëuke thöl kedhie riɔp en akïm, ku acïn akïm töŋ cï e lëu.

Luk 8:45

Go Yecu lueel an, “Eeŋa ë jak ɛn?” Go kɔc jai kedhie, go Petero ku kɔc cath në yen lueel an: “Bɛ̈ny, yïn giŋ kuut ë kɔc ku thanykï yïn, ku bä jɔ lueel an, Eeŋa ë jak ɛn?”

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.