Luk 8:31 - JAM DE NHIALIC 2011

³¹ Gokï lɔ̈ŋ an, du wo cieec tëthuth a loŋloŋ.

Luk 8:31 ပူးပေါင်းရင်းမြစ်များ

Jop 1:11

Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Jop 2:5

Ënɔɔnthiinë, riɛnyë Yïciin tueŋ da, ku jak yuɔɔmde ku guöpde, abï Yï lat ë Yïnyin”

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Luk 8:28

Na wën, aacï Yecu tïŋ, ke jɔ cööt, ku cuɛt rɔt piny ë yenɔm, ku jɔ lueel ë röl dït an, “Eeŋöda në yïn, Yecu, Wën ë Nhialic Awärjäŋ? Yïn läŋ, du ya leŋ wëi!”

Luk 8:32

Ku ade lunydïït ë kudhuur ëtɛ̈ɛ̈n, aake nyuäth ë kuurdït nɔm: gokï lɔ̈ŋ an, bï ke päl lɔ ë ke yiic. Go ke pɔ̈l.

Romai 10:7

Ku du luel aya an, “Eeŋa bï lɔ piny tëthuth?” (Luɛɛlde kï, ee bïï le yen Kërtho bɛ̈ɛ̈i nhial ë kɔc cïï thou yiic).

Nyuuth 11:7

Ku të cï kek këdɛn ee kek cäätɔɔ thöl ë luɛl, ke lɛ̈n rac lɛ̈n bɔ̈ biic ë adhum thuthic ke bï tɔŋ yiɛ̈n keek, ku jɔ ke tiaam, ku nɛ̈k keek abïk thou.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 9:11

Ku adekï melik nu ë kenïïm, yen aye tunynhial de adhum thuth cïï thar tiëc, rinke acɔl Abadon ë thoŋ ë Ɣeberuu, ku cɔlke Apoliɔn ë thoŋ de Girikii.