Luk 8:27 - JAM DE NHIALIC 2011

²⁷ Na wën, aacï bɛ̈n biic ë abëlic, ke räm ke raan töŋ bɔ̈ bei ë pänydïtic, raan de guöp jɔɔk rac ë caŋɣɔn, ku acïn lupɔ ee cieŋ, ku cie rëër ɣööt, ku ye rëër ë rɛ̈ŋ yiic.

Luk 8:27 ပူးပေါင်းရင်းမြစ်များ

Yith 65:4

Wakɔ̈u ayek lɔ në kɔ̈k ku rɛ̈ŋ yiic, bïk lɔ jam në wëi ke kɔc cï thou. Ayek rïŋ ke kudhuur cï ŋuäc cam ku rïŋ ke läi cï ŋuäc ye näk yiëth.

Kuɛ̈n 19:16

Ku të cïï raan raan cï nɔ̈k jak roor, ku nɔn ee raan ë thou, ku nɔn cï yuɔɔm de raan jak, ku nɔn ë jak raŋ, raanë abï guöp dɛ acuɔl në nïn kadhorou.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Mak 5:15

Gokï bɛ̈n të nu Yecu, ku tïŋkï raan wën de guöp jɔɔk, ke rɛ̈ɛ̈r, ku ceŋ lupɔ, ke cï nɔm piath, yen raan wën cath ke rem dïït ë jɔɔk rac, gokï riɔ̈ɔ̈c.

Luk 8:26

Agokï ɣet paan de kɔc ke Gadaren, tuööm nɔm kekë Galili.

Luk 8:28

Na wën, aacï Yecu tïŋ, ke jɔ cööt, ku cuɛt rɔt piny ë yenɔm, ku jɔ lueel ë röl dït an, “Eeŋöda në yïn, Yecu, Wën ë Nhialic Awärjäŋ? Yïn läŋ, du ya leŋ wëi!”

1 Tham 19:24

Ago lupɔɔke yɔ̈ɔ̈t bei, ku cɔ̈ŋ, ku cɛɛr käŋ në Thamwɛl nɔm, ku tɔ̈ɔ̈c piny ke cïn kɔ̈u lupɔ, ee köölë ëbɛ̈n, ku niin në yekɔ̈u ë wɛ̈ɛ̈ric ëbɛ̈n. (Yen të ë bïï ë kääŋ ka, an, “Ayï Thaulo ayadäŋ cï bɛ̈n aa tiët?”)