Luk 8:25 - JAM DE NHIALIC 2011

²⁵ Go ke thiëëc an, “Nu gämdun tënou?” Agokï riɔ̈ɔ̈c, ku gɛ̈ikï, ku jɔkï lueel kapäc an, “Ee raan cït ŋö ee kënë? Raan ee yï yom yɔ̈ɔ̈k ayï pïïu, agokï këde piŋ!”

Luk 8:25 ပူးပေါင်းရင်းမြစ်များ

Kɛ̈ŋ 30:4

De raan cï kɔn lɔ paannhial ku le bɛ̈n piny? Eeŋa cï yom kɔn dɔm në yecin? Eeŋa cï pïïu kɔn duɔl në lupɔde yic? Eeŋa tɛ̈ɛ̈u ë loi piny thar ëbɛ̈n? Cɔl ŋa ku cɔl mɛnhde ŋa? Lɛ̈kë yɛn të ŋic yïn keek.

Kɛ̈ŋ 8:29

Ku yöök pïïu tɔ̈u ë wɛ̈ɛ̈r yiic cïkï bï thiɔɔr awär agöör nïïm, cït man cïï yen ke yɔ̈ɔ̈k, ku tɛ̈ɛ̈u mënke piny.

Math 14:31

Go Yecu ecin riny ënɔnthiinë, dɔm, ku yöök an, “Yïn ee raan dɛk ë gäm, eeŋö ë yïn piɔ̈u wïl ë kaamic?”

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Math 6:30

Ku na ye Nhialic wɛ̈ɛ̈l roor piɔ̈th ale, wɛ̈ɛ̈l nu ëköölë, ku miäk ke cuɛtë mɛɛc, cïï we bï piɔ̈th ë piöth wär piöthden arëët, wek kɔc dɛk ë gam?

Math 8:10

Na wën, acï Yecu e piŋ, ke gäi, ago kɔc kuany ecök yɔ̈ɔ̈k an, “Wek yɔ̈ɔ̈k ëyic, an, “Acakaa Yithriɛl nɔm ëbɛ̈n, yɛn kën gäm dïït cït ee kënë kɔn yök.

Math 8:26

Go keek yɔ̈ɔ̈k an, “Eeŋö riääc wek, wek kɔc dɛk ë gam?” Na wën, ke jɔt rɔt, go yom dït jɔ̈ɔ̈ny ku jiëëny wɛɛr, gokï lɔ dui arëët.

Mak 4:35

Na wën, ëköölë guöp, të cï akɔ̈l thëi, ke yöök keek an, “Lok teemku lɔŋtui.”

Luk 12:28

Ku na ye Nhialic wɛl roor piöth alë, wɛl tɔ̈u roor ëköölë, ku na miäk ke cuɛtë mɛɛc, ke cïï we bï piöth ë piöth wär piöthden arëët, wek kɔc dɛk ë gäm!

Luk 8:24

Ku jɔkï bɛ̈n tëde yen, bïk ku päckï an, “Bɛ̈ny, wok thou!” Go rɔt jɔt, ku nen yom ku athiakthiak de pïïu, agokï kɔ̈ɔ̈c, ku lɔ wɛ̈ɛ̈r dïu.

Luk 8:26

Agokï ɣet paan de kɔc ke Gadaren, tuööm nɔm kekë Galili.

Jɔn 11:40

Go Yecu yɔ̈ɔ̈k an, “Kɛ̈n lɛ̈k yïn an, të gëm yïn, ke yïn bï dhuëëŋ ë Nhialic tïŋ?”