Luk 8:13 - JAM DE NHIALIC 2011

¹³ Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Luk 8:13 ပူးပေါင်းရင်းမြစ်များ

Jop 19:28

Na yak lueel an, arɔ̈ŋ buk Jop kuur, jam thar acath ke yen,

Kɛ̈ŋ 12:12

Alooc bäär de kɔc ee karɛc looi ye kek röt gël, abïï riɔ̈ɔ̈k, ku kääc kɔc piɛth piɔ̈ɔ̈th në cökkeniic.

Kɛ̈ŋ 12:3

Luɔi de kërac ee raan tɔ rɛ̈ɛ̈r aŋuɛm tök, ku kɔc piɛthpiɔ̈ɔ̈th acïï ke ee wuuk.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Edhekiɛl 33:32

Tëde keek yïn cie këdäŋ, yïn cït raan ee thom de diɛt gut raan ee kɔc kɛ̈ɛ̈t nïïm në diɛt ke nhiëër. Ayek wëlku piŋ kedhie, ku acïn töŋ yek riëëu në keyiic.

Ɣodh 6:4

Ku aye Bɛ̈nydït lueel an, “Bä week jɔ looi adï Eparaim? Ku eeŋö bä luöi week, wek kɔc ke Juda? Nhiëërdun acït ruu amiäk, ku cït thäc, ee guɔ riäär ëthiäu.

Mak 6:20

luɔi riɔ̈ɔ̈cë Ɣerod ë Jɔn, aŋic nɔn ee yen raan piɛthpiɔ̈u ku ye raan ɣeric, go ya döt apiɛth. Na wën, aye yen piŋ, aaye kajuëc looi, go këde aa piŋ në piɔ̈nmit.

Luk 8:12

Ka nu ë kueer këc kek aye kɔc ee jam piŋ, na ëlë ke jɔŋdït rac bɔ̈, bïï ku jɔt jam ë kepiɔ̈ɔ̈th, ke ke cïï bï gam ago ke kony wëi.

Luk 8:14

Ku ka cï lööny ë kuɔɔth yiic ayek kɔc ee jam piŋ, ku jɔkï lɔ, ago ke nyiɛɛc në diɛɛr ee kek diɛɛr ë käŋ ku bäny cï kek bäny ku kamit yek kɔɔr ka ke pïïrë, ku cïkï ee luɔk apiɛth.

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Jɔn 5:35

Yen aaye many ë dɛ̈p ku ye piny riaau: ku wek ë piɔ̈ɔ̈th dɛ luɔi bä wek piɔ̈ɔ̈th miɛt në maanyde tëthiinakäŋ.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 15:2

Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Galatai 3:4

Ee ɣɔ̈ric en ë guööm wek kajuëc cït ee kakë? Ku cie ɣɔ̈ric en ë guöm wek?

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

1 Theth 3:5

Yen aa tuɔɔc ɛn raan, wään cï en ciën luɔi bän e bɛ guum, ke ya bï gämdun ŋic, nɔn de kë cï jɔŋ ee kɔc them we yiɛ̈n them, ago luɔida aa ɣɔ̈ric.

1 Tim 1:19

ku bä gäm aa muk, ku muk ŋïny ee yïn yïpiɔ̈u ŋic nɔn le en gɔk, ŋïnyë acïï kɔc kɔ̈k cuat wei, agokï gämden tɔ riääk, acït man abël cï pol ë pïïu yiic.

Ɣeberuu 10:39

Wook ënɔɔnë, wok cie kɔc ee röt dak ciëën wën ee röt lɔ ɣääl ë riääkic, wok ee kɔc ke gäm wën ee röt lɛɛr ë kuɔɔnyic.

Jakop 2:26

Yen ka, acït thon cï guöp thou, guöp cïnic wëi, yen acït thon cï gäm thou, gäm cïn luɔi cath kekë yen.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.

2 Pet 2:22

Ku acï tïc tëde keek ke cït man ee kääŋ lueel kääŋ yic, an, “Jö ee yenɔm bɛ dhuöny ŋɔkke guöp, ku ŋun ë kudhur cï waak ee bɛ lɔ dal ë tiɔ̈kic.”

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.