Luk 7:41 - JAM DE NHIALIC 2011

⁴¹ Go lueel an ade raan nu raan cï kɔc dhɛ̈ɛ̈n kaarou: ŋɛk acï dhɛ̈n wëu cït jinii kathiëër, ku ŋɛk ke cït jinii tök tei.

Luk 7:41 ပူးပေါင်းရင်းမြစ်များ

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Jeremia 3:11

Na wën go ë Bɛ̈nydït lɛ̈k yɛn, na cakaa nɔn cï Yithriɛl rɔt yal wei tëde yɛn, acï rɔt nyuɔɔth nɔn piɛth en awär nyankënë Juda cïn piɔ̈u adöt.

Kuɛ̈n 27:3

“Wääda acï thou në jɔ̈ɔ̈ric. Acïï thou kekë kɔc ɣɔn cï mat në Kɔra ku göthkï në Bɛ̈nydït. Ee kë lɛɛn ë thou në kërɛɛcde pei yetök. Ku aa thou ke cïn nɔm mïthwät.

Math 18:28

Na wën, ke lɔ biic, yen ee lïmë guöp, le ku yök raan töŋ ë wɛ̈ɛ̈tkɛn ee kek lïïm, raan cath ke känyde, käny baŋ, cït jini tök tei, go dɔm, ku min röl, lueel an, “Cuölë yɛn känydiën cath ke yïn.”

Math 6:12

Ku ye wook päl käny cath ë wook, Acït man pɛ̈l wok kɔc cath ë känykuɔ.

Mak 6:37

Go bɛ̈ɛ̈r, yöök keek an, “Miackï keek ë këcamkï.” Gokï thiëëc an, “Buk kuïn cï pam lɔ ɣɔɔc ë jinii kathiëër, ku gëmku kek bïk cam?”

Luk 11:4

Ku ye wo päl karɛckuɔ, ku wook aya wo ye kɔc pɔ̈l kedhie kɔc cath në känykuɔ. Ku du wook ee lɛɛr ë thëmic, ye wo luök ë kërac.”’

Luk 12:48

Ku raan cï këde piɔ̈n ë bɛ̈ny kuc, ku cï käŋ looi ka röŋ ë luɔi bï ye dui, yen abï dui ë wɛt lik. Raan ëbɛ̈n raan cï yiɛ̈n kajuëc, abï thiëc kajuëc, ku raan cï kɔc kuɛ̈i kajuëc, en abïk thiëc kajuëc wär kɔc kɔ̈k.

Luk 13:4

Ayï kɔckë kathiëër ku bɛ̈t, kɔc wään cï aloocdïït bäär nu Thilowam wïïk ë kenïïm, ago ke nɔ̈k ë wek an rackï awär kɔc rɛ̈ɛ̈r ë Jeruthalem kedhie?

Luk 7:40

Go Yecu bɛ̈ɛ̈r, yöök an, “Thimon, yɛn de kë lɛ̈k yïn.” Go lueel an, “Bɛ̈ny ee wëët, luel këdu.”

Luk 7:47

Yen a lɛ̈k ɛn ë yïn an, “Karɛcke, aciɛk an, juëckï, acï ke päl en, nɔn cï en a nhiaar arëët: ku raan cï päl këthiinakäŋ, nhiëërde abï kuur tei.”

Romai 3:23

kɔc acïk kërac wööc kedhie, ku dɛkï në dhuëëŋ de Nhialic.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,