Luk 7:40 - JAM DE NHIALIC 2011

⁴⁰ Go Yecu bɛ̈ɛ̈r, yöök an, “Thimon, yɛn de kë lɛ̈k yïn.” Go lueel an, “Bɛ̈ny ee wëët, luel këdu.”

Luk 7:40 ပူးပေါင်းရင်းမြစ်များ

1 Mel 2:14

Ku jɔ lɛ̈k en an, “Ade kë kaar thiëëc tëde yïn.” Go luɔp an, “Eeŋö?”

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Math 26:49

Go bɛ̈n tëde Yecu ënɔnthiinë, bï ku lueel an, “Thieithieei ë yïn, Rabi,” go ciim arëët.

Math 7:22

Kɔc juëc abïk ɛn yɔ̈ɔ̈k ëköölë an, “Bɛ̈nydït, Bɛ̈nydït, kënku cɔ̈ɔ̈r në rinku, ku kënku jɔɔk rac cieec në rinku, ku kënku luɔi ril looi në rinku?”

Luk 18:18

Go thiëëc ë bɛ̈ny tök an, “Bɛ̈ny piɛth bɛ̈ny ee wëët, eeŋö bä looi kë bän pïïr athɛɛr lɔ̈ɔ̈k lak?

Luk 5:22

Na wën, ke Yecu ŋic teer teer kek, ku jɔ bɛ̈ɛ̈r an, “Eeŋö tɛɛrkï ë wepiɔ̈ɔ̈th?

Luk 5:31

Go Yecu pɔ̈k nɔm keek an, “Kɔc piɔl gup acïkï akïïm ee kɔɔr, ee kɔc tök tei.

Luk 6:8

Go kë cïk tak ë kepiɔ̈ɔ̈th ŋic, ku jɔ raan cï ciin riɔu yɔ̈ɔ̈k an, “Jɔt rɔt, kääcë ë ciɛɛlic ëtɛ̈ɛ̈n.” Go rɔt jɔt ku kɛ̈ɛ̈c.

Luk 7:39

Na wën, ke Parithai wën cï Yecu cɔɔl, të cï en e tïŋ, ke jɔ lueel ë yepiɔ̈u an, “Raanë tëë ye tiët, adï cï tiiŋë ŋic, tiiŋ ë jak en, ku adï cï täude ŋic, ee tiiŋ ee kërac looi!”

Luk 7:41

Go lueel an ade raan nu raan cï kɔc dhɛ̈ɛ̈n kaarou: ŋɛk acï dhɛ̈n wëu cït jinii kathiëër, ku ŋɛk ke cït jinii tök tei.

Jɔn 13:13

“Wek ee ya tɔ ye Bɛ̈ny ee wëët, ku Bɛ̈nydït, ee yic en luɛlkï, ee kakï.

Jɔn 16:19

Aŋic Yecu nɔn kɔɔr kek luɔi thiëëc kek en, go ke yɔ̈ɔ̈k an, “Week luɔpkï röt wapäc në kë cä lueel an, ‘Tëthiinakäŋ, ke we cïï ya bï tïŋ na ëlë tëthiinakäŋ, ke we bï ya tïŋ?’

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”