Luk 6:48 - JAM DE NHIALIC 2011

⁴⁸ acït raan cï ɣöt yïk, ku jɔ këërkëër wec abï thuth, acï kuur lɔ yök: na wën, ke piny mol arëët, go piëëu röt jäp ë ɣönë kɔ̈u, ku cïï duëër tɔ lɔ nieeŋnieeŋ: luɔi cï këërkëërde wec ë kuur nɔm.

Luk 6:48 ပူးပေါင်းရင်းမြစ်များ

2 Tham 22:2

Bɛ̈nydït Yen ee kuurdï, ku ee Yen ee yɛn gël, ku Ye kony de wëikï.

2 Tham 22:32

Bɛ̈nydït Yetök En ee Nhialic, ku Nhialic Yetök Yen ee wo gël.

2 Tham 22:47

Bɛ̈nydït apïïr! Yak gëlgëldï lɛc nɔm! Yak dït de Nhialic ee ya kony luɛɛl!

2 Tham 22:5

Ku apiöŋ de thuɔɔu acï bɛ̈n ë yalɔ̈ɔ̈m. Ku kiɛɛr ke thuɔɔu acïk a tuɔɔk cil.

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

Diɛt 32:6

Yen aduëër ë raan cï yï gam ëbɛ̈n Yïn aa lɔ̈ŋ në akööl ke nuan, të bïï amool de riääk ke riŋ, acïï ke bï gïth.

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Diɛt 95:1

Bäkkï, piɔnyku Bɛ̈nydït! Këtku diɛt ke miɛtëpiɔ̈u Nhialic, raan ee wo kony!

Kɛ̈ŋ 10:25

Bɛ̈n ë riääk ee kɔc ee karɛc looi nyaai, ku dɔ̈ŋ kɔc piɛthpiɔ̈ɔ̈th ananden.

Yith 26:4

Ŋäthkï Bɛ̈nydït aɣet athɛɛr, në baŋ bï Bɛ̈nydït Nhialic wo gël anande.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Naɣum 1:8

Ku abï kɔc ke aterde riɔ̈ɔ̈k në amooldït riŋ aläl, ku cop ke cök paan ë thuɔɔu.

Luk 6:47

Raan ëbɛ̈n raan bɔ̈ tëde yɛn, ago wëlkï piŋ, ku jɔ keek aa looi, we bä nyuöth raan kït kek,

Luk 6:49

Ku raan ë wël piŋ, ku cïï keek ee looi, yen acït raan ë ɣöt yïk ë tiɔp nɔm ke cïn këërkëër cï wec, go piëëu röt jäp ee ɣönë kɔ̈u, ku jɔ dap wïïk ënɔnthiinë, go ɣönë riääk ë riääk dït!”

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Epethiei 2:20

Wek cï yïk ë këërkëëric këërkëër ë tuuc ku tït, ku Yecu Kërtho guöp yen aye kuur nu ë agukic kuur de naamde.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 32:31

Në biäk cïï ë kuurden cït Kuurda, ayï kɔc ke aterda ee kek ee löŋ guiir.

2Tim 2:19

Na cak kɔc e looi aya, ke këërkëër ë wec Nhialic akääc, ke cïï wiëëk, acï gäär kɔ̈u cöökë an, “Bɛ̈nydït aŋic kɔc cï aa kɔcke.” Ku cöökë aya an, “Raan ëbɛ̈n raan ee Kërtho cɔɔl rin ë nyaai ë luɔi de këracic.”

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,