Luk 6:47 - JAM DE NHIALIC 2011

⁴⁷ Raan ëbɛ̈n raan bɔ̈ tëde yɛn, ago wëlkï piŋ, ku jɔ keek aa looi, we bä nyuöth raan kït kek,

Luk 6:47 ပူးပေါင်းရင်းမြစ်များ

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Luk 6:48

acït raan cï ɣöt yïk, ku jɔ këërkëër wec abï thuth, acï kuur lɔ yök: na wën, ke piny mol arëët, go piëëu röt jäp ë ɣönë kɔ̈u, ku cïï duëër tɔ lɔ nieeŋnieeŋ: luɔi cï këërkëërde wec ë kuur nɔm.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Luk 8:8

Ku lööny kɔ̈k ë tiɔɔm piɛthic, agokï cil, ku lokkï, nyin tök abï bɔt bɛ̈ɛ̈i.” Të cï en ëkakë lueel, ke jɔ cööt an, “Raan de yïth ee yen ke piŋ, ke pïŋ!”

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 13:17

Të ŋiɛc wek kakë, thieithieei week të ya wek keek looi!

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 5:40

ku wek ee rɛɛc bɛ̈n tëde yɛn, bäk pïïr bɛ̈n yök.

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

Jakop 4:17

Yen ka, raan ŋic këpiɛth bï looi, ku cïï loi, ke yen aye kërɛɛc nu ë yeyeth.

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.