Luk 6:38 - JAM DE NHIALIC 2011

³⁸ Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”

Luk 6:38 ပူးပေါင်းရင်းမြစ်များ

2 Tham 19:36

Yɛn cïï athiɛɛi dïït cït ee kënë kɔɔr. Yïn bä ruac tei ë määth ë wɛ̈ɛ̈r de Jordan lɔŋtui.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Jop 42:11

Wɛ̈ɛ̈tëkɔcken ku nyïïrëkɔcken ku jɔ ya määthkɛn thɛɛr acïk en bɛ̈n neem, ku ciëmkï në yen ku nyuthkï luɔi kɔ̈ɔ̈c kek në yen, ku dutkï piɔ̈u paande, në riäŋ cï Bɛ̈nydït yiɛ̈n en, ku keek kedhie aa ye raan tök gäm wëu, ku adhääp.

Diɛt 79:12

Bɛ̈nydït riɔp juöör kɔ̈kë raandhorou, në biäk de lɛ̈ɛ̈t kedhie, lɛ̈ɛ̈t cï kek Yïn läät.

Bɛ̈n 21:24

ku nyin ee nɔm nyin, ku lëc ee nɔm lëc, ku ciin ee nɔm ciin, ku cök ee nɔm cök,

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Mak 4:24

Go ke yɔ̈ɔ̈k an, “Yak röt tiit në kë yak piŋ: thëm aa wek käŋ them, en abï aa thɛ̈m week: ku wek kɔc ee käŋ piŋ, we bï ŋuak ë käŋ.

Luk 6:30

Miɔc raan ëbɛ̈n raan lip yïn, ku raan rum wëuku, du ke be kɔɔr tëde yen.

Nyöŋ 15:10

Miɔc në piɔ̈n mit, ke cïn yic cɔɔk, ku Bɛ̈nydït abï we thieei në këriëëc yak looi yic ëbɛ̈n.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Bäny 1:7

Na wën ke lueel Adonibedhek an, “Yɛn ë butbuut ku riöp ke cök ke meliik kathiërdhorou tɛ̈ɛ̈m bei kedhie, ku aake ye cam në athueithueei ee lööny piny ë yathok, cït man cän ye looi, acï Nhialic guöör.” Go lɛɛr Jeruthalem, të wään cï yen lɔ thou thïn.