Luk 6:30 - JAM DE NHIALIC 2011

³⁰ Miɔc raan ëbɛ̈n raan lip yïn, ku raan rum wëuku, du ke be kɔɔr tëde yen.

Luk 6:30 ပူးပေါင်းရင်းမြစ်များ

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 21:26

Kë ye cool ke tɛk ëbɛ̈n ee kë bï yök, ku raan piɛth piɔ̈u ee yeciin pɔ̈l.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Wɛ̈ɛ̈t 8:16

Wën cän a piɔ̈u wɛ̈l pɛlënɔm, ku ka loike ë piny nɔm bä keek ŋic, acä yök nɔn cïï raan duëër niin wakɔ̈u ku aköl.

Math 18:35

Yen acït kë bï wäär nu paannhial luöi week, të kɛ̈n we röt pɔ̈l wapäc ë wepiɔ̈ɔ̈th thïn, ŋɛk ë mɛnhkënë päl ka cï wööc.

Math 5:39

Ku wek yɔ̈ɔ̈k an, ‘Duökï kërac ë ŋëny raan biäk gëm cuënydu, ke wɛ̈lë gëm däŋ aya.’

Math 6:12

Ku ye wook päl käny cath ë wook, Acït man pɛ̈l wok kɔc cath ë känykuɔ.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 6:29

Ku raan biäk yïn gëm tök, ke yï wel gëm däŋ aya, ku raan rum lupɔduön thiinë, ke du pën alulutdu aya.

Luk 6:31

Ku acït man kaar wek kë bï kɔc aa luöi wek, ke ke jakï ya luööi wäkya ayadäŋ.

Luk 6:38

Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.