Luk 6:25 - JAM DE NHIALIC 2011

²⁵ “Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!

Luk 6:25 ပူးပေါင်းရင်းမြစ်များ

Diɛt 49:19

ke yen abï dhil lɔ tëde kuarken cök në thuɔɔu të cïï akɔ̈l bï bɛ tïŋ nyin.

Kɛ̈ŋ 14:13

Dɔl aduëër diu de piɔ̈u thiaan, ku të cïï miɛt ë piɔ̈u jël, ke dhiën ë piɔ̈u rɛ̈ɛ̈r.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Wɛ̈ɛ̈t 2:2

Guɔ lueel an, dɔl ee miɔ̈ɔ̈l, ku nɔmde akou yen miɛtëpiɔ̈u?

Wɛ̈ɛ̈t 7:3

Dhiënëpiɔ̈u apiɛth në dɔl, në biäk ye dhiënëpiɔ̈u raan tɔ wɛ̈ɛ̈t.

Wɛ̈ɛ̈t 7:6

Dɔl de raan piɔlpiɔ̈u acït atenyteny de many de thil ë töny thar, ku kënë ayadäŋ ee ɣɔ̈ric.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 65:13

Ku ëtɛ̈ɛ̈n acä lɛ̈k week an kɔc bï a lam, ku yek wëlkï piŋ, abïk dɛk kacaam juëc ku kadekkï, ku wek bïï cɔk nɔ̈k ku rou. Abïk piɔ̈ɔ̈th miɛt, ku we bï gup yäär.

Yith 8:21

Kɔc abïk tai ë piny nɔm, abïk piɔ̈ɔ̈th jiɛth ku nɛ̈k cɔk keek. Në ŋɔ̈ɔ̈ŋden ku në agönhden yic, abïk melikden ku Nhialicden läm aciɛɛn. Ku aduëërkï tënhial woi,

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

Luk 13:28

Të cä wek Abraɣam tïŋ, ku tiëŋkï Yithaak, ku Jakop, ku tït kedhie, ë ciɛɛŋ de Nhialic yic, ku wegup ku cï we ciɛɛc biic, ke dhiëëu abï nu kekë ŋëny de lec!

Luk 6:24

“Ku amawoou në week wek kɔc cï bäny, adutdun acäk guɔ nööm!

Luk 6:26

“Amawoou në week, të leecë week ë kɔc kedhie, wärken aake ye tït aluɛth luööi yikya.

Luk 8:53

Gokï dɔl guöp, aŋickï nɔn cï en thou.

Epethiei 5:4

Ayï jam ë rɔ̈ɔ̈th, ayï jam ɣɔ̈ric, ayï alɛɛŋ rac, acïkï piɛth kedhie: aŋuɛ̈ɛ̈në lɛc de Nhialic.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!

Nyuuth 3:17

Në luɛl ee yïn e lueel, Yɛn cï bäny ë käŋ, yɛn cï rɔt kuɛ̈t wëu juëc, ku acïn kë dak ɛn, ku kuc nɔn ŋɔ̈ɔ̈ŋ yïn guöp, ku ye raan rac, ku kuany nyin ku ye cɔɔr ku cïnë kɔ̈u lupɔ.

1 Tham 2:5

Ku kɔc wään cï keek ŋiëc muk apiɛth, ënɔɔnë acïk röt riap bïk lui, ago keek riɔp në kë bïk cam, ku kɔc wään ye cɔk keek nɔ̈k acïk kuɛth. Tiiŋ cïn nɔm meth acï mïth kadhorou dhiëëth, ku man mïth juëc, acïn töŋ cï döŋ ke yen.