Luk 6:21 - JAM DE NHIALIC 2011

²¹ “Thieithieei wek kɔc nɛ̈k cɔk ënɔɔnë, we bï tɔ kueth! “Thieithieei wek kɔc dhiau ënɔɔnë, we bï dɔl!

Luk 6:21 ပူးပေါင်းရင်းမြစ်များ

Cäk 17:17

Ago Abraɣam yenɔm guöt piny abïï piny jak në yenɔm, ku dɔl, ku lueel në yepiɔ̈u an, “Duëërë meth dhiëëth në mony dïït cï run aa bɔt? Ku Thara dïït cï run aa thiërdhoŋuan, duëër bɛ dhiëth ë meth?”

Cäk 21:6

Ago Thara lueel an, “Nhialic ë ya yiɛ̈n miɛtëpiɔ̈u ku dɔl, ku raan lɔ ye piŋ abï dɔl kekë yɛn ëtök.”

Diɛt 107:9

Bɛ̈nydït ee kɔc cï yal miɔɔc ë pïïu, ku tɔ kɔc nɛ̈k cɔk tɔ kueth ë kacaam ku kapiɛth ëbɛ̈n.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 143:6

Yɛn ee yacin täär yïn ë lɔ̈ŋ, cït man de piny cï riɛl piɔ̈ndï ë yal ë yïn.

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 65:4

Thieithieei në kɔc cï keek lɔc, kɔc cï keek bɛ̈ɛ̈i bïk rɛ̈ɛ̈r ɣöndu. Wo bï kuɛth në kapiɛth tɔ̈u ɣöndu, athiɛɛi de ka nu luaŋduön ɣeric.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 66:10

Miɛtkï piɔ̈ɔ̈th në Jeruthalem, lak piɔ̈ɔ̈th yum në yen, wek kɔc nhiaar ee pänydïïtë wedhie! Miɛtkï piɔ̈ɔ̈th në yen ënɔɔnë, wek kɔc wään cï ye dhiëëu wedhie!

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 31:25

Yɛn bï kɔc cï bäp bɛ tɔ ril, ku yɛn bï raan ëbɛ̈n raan cï cɔk tɔ kɔ̈c tɔ kueth ë kuïn.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Math 5:4

Thieithieei ë kɔc ë dhiau, abï ke luk piɔ̈ɔ̈th.

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Luk 1:53

Acï kɔc nɛ̈k cɔk tɔ kueth ë kamit, Ku jɔ kɔc cuai tɔ jël ke ke dak.

Luk 6:20

Na wën, ke jɔ kɔckɛn ë piööcë leec, ku lueel an, “Thieithieei wek kɔc kuanynyïïn, ciɛɛŋ de Nhialic ee këdun!

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Luk 6:25

“Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!

Jɔn 11:35

Go Yecu dhiau.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

1 Kor 4:11

Aɣet cï ënɔɔnë, wok ee cɔk nɔ̈k ayï rou, ku cïnku kɔ̈ɔ̈th lupɔɔ, ku biëkkë wook ë kɔc cïn, wok ee tai, wo cïn nïïm wut,

2 Kor 11:27

Në luɔi tuc ë kɔc doony, ku luɔi ë kɔc nɔ̈k, në ruu aa yɛn ruu yiɛ̈n ëcaŋɣɔn, ku në cɔŋ ë ya nɔ̈k ayï rou, ku në nyäŋ aa yɛn cool ë nyäŋ rɔt ë këcam, ku në wiir ë ya nɔ̈k, ku cïn aa yɛn kɔ̈u ciën lupɔ.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

Nyuuth 7:16

Acïï cɔk ke bï bɛ nɔ̈k ananden, ku cïkï bï bɛ yal ananden, ayï akɔ̈l acïï keek bï aa nɔ̈k, acakaa atuöc ŋö, acïï ke bï aa nɔ̈k.