Luk 6:20 - JAM DE NHIALIC 2011

²⁰ Na wën, ke jɔ kɔckɛn ë piööcë leec, ku lueel an, “Thieithieei wek kɔc kuanynyïïn, ciɛɛŋ de Nhialic ee këdun!

Luk 6:20 ပူးပေါင်းရင်းမြစ်များ

Diɛt 37:16

Këthiin nu tëde raan piɛthpiɔ̈u adik, awär kuɛth dïït nu tëde kɔc rac ëbɛ̈n,

Kɛ̈ŋ 16:19

Rëër de raan kekë kɔc kuanynyïïn, yen aŋuän në luɔi bï yïn aa tek në kake rum wekë kɔc ee röt leec.

Kɛ̈ŋ 19:1

Raan adön kuanynyin aŋuän në raan piɔl piɔ̈u ee lueth töör.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Dhek 11:11

Go mät riääk ëtɛ̈ɛ̈n ee kööl manë. Ku ëtɛ̈ɛ̈n, kɔc ë ɣɔɔc thök, ayï kɔc ë ɣɛɛc thök aake woi yɛn. Gokï ŋic nɔn ë jiɛɛm ë Bɛ̈nydït në kë cä looi yic ëbɛ̈n.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 5:1

Na wën, acï kut ë kɔc tïŋ, ke lɔ nhial ë kuur dït nɔm, na wën acï nyuc piny, ke kɔckɛn ë piööcë ke ke bɔ̈ të nu yen thïn,

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 13:28

Të cä wek Abraɣam tïŋ, ku tiëŋkï Yithaak, ku Jakop, ku tït kedhie, ë ciɛɛŋ de Nhialic yic, ku wegup ku cï we ciɛɛc biic, ke dhiëëu abï nu kekë ŋëny de lec!

Luk 14:15

Na wën, ke raan tök ë kɔc wën rɛ̈ɛ̈r në yen ëtök tëde cäm, të cï en ee kakë piŋ, ke jɔ lueel an, “Thieithieei raan bï kuïn cam ë ciɛɛŋ de Nhialicic!”

Luk 16:25

Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

2 Kor 8:2

Acakaa kek ë ye them në këtuc dïït dhal keek, ke miɛt mit kek piɔ̈ɔ̈th aläl ku kuany de kenyïïn acïk piɔ̈ndɛn adhuɛ̈ŋ tɔ ŋuak rɔt abï dït aläl.

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

2 Theth 1:5

Ku kënë ee ŋïny bä wek guiëër ee Nhialic löŋ guiir ŋic ëgɔk, nɔn ee yen guiëër yic, ee kë bï we tɔ ye kɔc rɔ̈ŋ në ciɛɛŋ de Nhialic aa wek kake guum në biäkde aya:

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

1 Tham 2:8

Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.