Luk 5:32 - JAM DE NHIALIC 2011

³² Yɛn ë cïï bɔ̈ bä kɔc piɛthpiɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Luk 5:32 ပူးပေါင်းရင်းမြစ်များ

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Mak 15:10

Aŋic ë gɔk nɔn ee yen tiɛɛl yen ë bïïyë yen ë bänydït ke ka ke Nhialic.

Mak 15:7

Ku ade raan cɔl Barabath, raan cï rek kekë kɔc ëtök kɔc wään cï tɔŋ cäk miric, ku acïk kɔc nɔ̈k ë buuth ëkööl ë tɔŋ.

Mak 2:17

Na wën, aacï Yecu ye piŋ ke ke yöök an, “Kɔc piɔl gup acïkï akïïm ee kɔɔr, ee kɔc tök tei: yɛn ëcïï bɔ̈ bä kɔc piɛthpiɔ̈ɔ̈th bɛ̈n cɔɔl, në puŋ bï kek kepiɔ̈ɔ̈th puk, ee kɔc ë kërac looi, kek abä bɛ̈n cɔɔl.”

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 15:7

Wek yɔ̈ɔ̈k an, miɛtëpiɔ̈u abï dït paannhial aya në biäk de raan tök raan ee kërac looi, ku be yepiɔ̈u puk, awär miɛt mitë kɔc piɔ̈ɔ̈th në biäk de kɔc kathiërdhoŋuan ku dhoŋuan kɔc cïn puŋdepiɔ̈u kɔɔrkï.

Luk 19:10

Wën ë Raan aa bɔ̈ bï kë cï määr bɛ̈n kɔɔr, ku bï bɛ̈n kony wëi.”

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luk 5:31

Go Yecu pɔ̈k nɔm keek an, “Kɔc piɔl gup acïkï akïïm ee kɔɔr, ee kɔc tök tei.

Luk 5:33

Agokï bɛ thiëëc an, “Eeŋö ye kɔc ë piööcë Jɔn cool ë reec cäm, ku yek cool ë pal, ayï kɔc ë piööcë Parithai aya, ku kɔckuön ë piööcë ayek cam ku dëkkï.”

Luɔi 17:30

Run ɣɔn kek aye run ke kuny kuc ë kɔc käŋ, ago Nhialic lɔ lik tei, ku ënɔɔnë ë thɔn an, bï kɔc kepiɔ̈ɔ̈th puk kedhie ë piny nɔm ëbɛ̈n.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.