Luk 5:21 - JAM DE NHIALIC 2011

²¹ Go kɔc ee löŋ gɔ̈ɔ̈r ku Parithai gokï teer gɔl, ku thiëckï an, “Eeŋa yen raanë raan lat Nhialic! Eeŋa duëër kërac pɔ̈l, cie Nhialic Etök!”

Luk 5:21 ပူးပေါင်းရင်းမြစ်များ

Diɛt 103:3

Ë yïn päl awɛ̈ɛ̈c cä keek looi ku tɔ ya piɔl guöp tëde yen juäi, ë ya guöp.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Diɛt 35:5

Tɔ ke cït miɛ̈l ee yom gɔp, të cop ë tunynhial ë Bɛ̈nydït keek!

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Danyel 9:19

Bɛ̈nydït, piŋ wothook, pälë wook awɛ̈ɛ̈c, Bɛ̈nydït piŋ këda, ku bɛ̈ɛ̈rë! Ago ŋic ë raan ëbɛ̈n an, yïn ee Nhialic, du gääu! Yen ee pänydïïtë kekë kɔckë ayek kaku.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Lebai 24:16

ku näk. Ku na lɔ raan de Yithriɛl ku nɔn aa alei rɛ̈ɛ̈r ë Yithriɛl na le Bɛ̈nydït lɔ lät aciɛɛn abïï biöök në akutnɔm abïï thou.

Maika 7:19

Yïn bï piɔ̈u bɛ kok we wook, ku dum awɛ̈ɛ̈ckuɔ yiic në yïcök, ku dɛɛnyë ke ë wɛ̈ɛ̈ric në lilic ya.

Math 26:65

Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic!

Math 9:3

Na wën, ke kɔc töktöök ë kɔc ë löŋ gɔ̈ɔ̈r yiic, ke luelkï ë keyäc an, “Raanë alat Nhialic!”

Luk 3:8

Jakï luɔk ë luɔi piɛth luɔi bï röŋ ke puŋdepiɔ̈u, ku duökï jam gɔl ë wepiɔ̈ɔ̈th an, wo de wäärda Abraɣam, wek yɔ̈ɔ̈k an, Nhialic aduëër mïth ke Abraɣam cak në kɔikë!

Luk 5:17

Na wën, ëkööl tök ë nïnkë yiic, ke wëët kɔc, ku ade Parithai ku bäny ee kɔc wɛ̈ɛ̈t ë löŋ arëërkï ëtɛ̈ɛ̈n, kɔc ë bɔ̈ bei ë bɛ̈i ke Galili kedhie, ku Juda, ku Jeruthalem. Ku cath riɛl ë Bɛ̈nydït kekë yen, bï en kɔc tɔ dem.

Luk 5:22

Na wën, ke Yecu ŋic teer teer kek, ku jɔ bɛ̈ɛ̈r an, “Eeŋö tɛɛrkï ë wepiɔ̈ɔ̈th?

Luk 7:49

Go kɔc rɛ̈ɛ̈r ë yen ëtök tën ee kɔc cam, agokï jam gɔl ë kepiɔ̈ɔ̈th an, “Eeŋa ëraanë raan ë karɛc pɔ̈l aya?”

Jɔn 10:33

Go Judai bɛ̈ɛ̈r an, “Acie biäk de luɔi piɛth en ë biöök wok yïn ee biäk de län ee yïn Nhialic lat, ku luɔi ee yïn rɔt tɔ ye Nhialic, ku ye raan tei!”

Romai 8:33

Eeŋa bï kɔc cïï Nhialic ke lɔc lɔ gaany? Ee Nhialic yen aye Raan ë keek tɔ cïn yiëth gääk!