Luk 5:12 - JAM DE NHIALIC 2011

¹² Na ɣɔn, të nu yen pänydït tök, dï, ke raan cïï wɛth dɔm arëët ë bɔ̈, na wën, aa cï Yecu tïŋ, ke cuɛt rɔt piny ë yenɔm, ku jɔ lɔ̈ŋ an, “Bɛ̈nydït, të de yïn piɔ̈u luɔi bï yïn a tɔ waar, yïn duëër a tɔ waar!”

Luk 5:12 ပူးပေါင်းရင်းမြစ်များ

Cäk 18:14

De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”

1 Mel 18:39

Na wën aa tïŋ kɔc ee kënë, ke ke cuɛt röt piny, ku luelkï, an, “Bɛ̈nydït Yen aye Nhialic, Bɛ̈nydït Yetök Yen aye Nhialic!”

2 Mel 5:1

Ku Naaman, bɛ̈ny ë rem de tɔŋ ë melik de Thiriya, aaye raan dït tëde bɛ̈nyde, ku ye raan de naamde, në luɔi cï Bɛ̈nydït Thiriya kony në yen ë kuny dït, ku ye raan ril ŋeny aya, ku aa de guöp wɛth.

2 Mel 5:27

Ënɔɔnë wɛnh de Naaman abï yï dɔm ë döm ril, yïn wekë kuatdu aɣet athɛɛr! Go Geɣadhi jäl ë yanɔm ke cï wɛth dɔm, abïï guöp ɣɛɛr cït man ë alath.

2 Mel 7:3

Në ë aköölkë yiic, ade kɔc kaŋuan cïï wɛth dɔm ë ye rëër ë kal ë Thamaria thok biic, acïk lɛ̈k röt an, “Eeŋö rëër wok ee tënë agut të bïï wok thou?

1 Lëk 21:16

Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 4:6

Ku be Bɛ̈nydït ŋoot ke jam kekë Mothe, lëk en an, “Luötë yïciin në lupɔdu yic.” Go Mothe yeciin luöt. Na wën, aa bïï bei, ke yök acïï wɛth dɔm, ka cï rɔt wuöt në kaɣer ë wic cït alath.

Lebai 13:16

Na cï buɔ̈t tuɛɛr thok bɛ ɣɛɛr, ke raan abï dhil bɛ̈n tëde bɛ̈ny de kake Nhialic.

Lebai 9:24

Ago mac bɛ̈n bei në Bɛ̈nydït lɔ̈ɔ̈m, ku thöl miɔ̈c ye nyop ëbɛ̈n kekë biäk cuai nu ë yïk nɔm. Na wën aa tïŋ ë kɔc kedhie, agokï kiɛɛu de miɛt de piɔ̈u moc, ku gutkï kenïïm piny lamkï Bɛ̈nydït.

Math 26:6

Na wën, të nu Yecu Bethani, ɣön ë Thimon raan de guöp wɛth.

Math 9:28

Na wën, acï bɛ̈n ɣöt, ke cöör ë ke bɔ̈ të nu yen, go Yecu ke thiëëc an, “Gamkï nɔn duɛ̈ɛ̈r ɛn ee kënë lëu ë luɔi?” Gokï lueel an, “Ɣɛɛ, Bɛ̈nydït.”

Mak 5:23

go lɔ̈ŋ arëët an, “Nyandiën thiinë acï tiaam akɔɔr thuɔɔu, yïn läŋ, an, bä, thanyë yïcin ë yeguöp, ke bï guöp waar, ago pïïr.

Luk 17:16

Ku jɔ piny ciim ë Yecu cök, lueel an, thieithieei: Ku ye raan ë Thamaria.

Luk 5:13

Go yeciin riɛny tueŋ, ku jiɛk ku jɔ lueel an, “Anu ë yapiɔ̈u: jɔ waar!” Na tëthiinë, ke wɛth dap jäl ë yeguöp.

Nyöŋ 24:8

“Të de yen raan cïï ë wɛth dɔm, në them apiɛth bïï kë lëk ë Lebai yen looi, bäny ke kake Nhialic, ku kuanykï wɛ̈ɛ̈t cä gäm keek cök.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Jocua 5:14

Go puk nɔm an, “Yɛn cie raandun, ku yɛn cie raan de kɔckuön ke ater. Yɛn ee bɛ̈ny ë rem de tɔŋ ë Bɛ̈nydït.” Go Jocua rɔt cuat piny, ke jam ke gut e nyin piny, lɛ̈ŋ lueel an, “Yɛn awundu bɛ̈ny. Eeŋö kɔɔr kë luöi Yïn?”