Luk 4:25 - JAM DE NHIALIC 2011

²⁵ Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Luk 4:25 ပူးပေါင်းရင်းမြစ်များ

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

Yith 55:8

Aye Bɛ̈nydït lueel an, “Täŋdï acïï cït täŋdun,” ku kuɛɛrkiën ke täk awuöckï në kuɛɛrkuön ke täk.

Math 20:15

Kënë päl ɛn nɔn bän kë nu ë yapiɔ̈u looi në kakï? Ku cï tiɛɛl yï dɔm, në baŋ de piath ë yɛn piɔ̈u?”’

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Romai 9:15

Ku acï lɛ̈k Mothe an, “Yɛn bï piɔ̈u kok wokë raan cä tak an, bä piɔ̈u kok wo yen, ku bä a piɔ̈u wɛ̈l raan cä tak an, bä yapiɔ̈u wɛ̈l en.”

Romai 9:20

Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Jakop 5:17

Elija aaye raan cït piɔ̈u wook. Na wën, ke läŋ arëët ke deŋ cïï bï tuɛny, ago kën tuɛny ë piny nɔm ë run kadiäk ku pɛ̈i kadhetem.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.