Luk 4:22 - JAM DE NHIALIC 2011

²² Go kɔc piath de yenthok gam kedhie, ku jɔkï gäi në wël de yiic dhuëëŋ wël ë bɔ̈ bei ë yethok, gokï röt thiëëc an, “Cie wën ë Jothep?”

Luk 4:22 ပူးပေါင်းရင်းမြစ်များ

Diɛt 45:2

Yïn ee raan töŋ piɛth në mïth ke kɔc yiic. Ku yïn cï tɔc thok në dhuëëŋ. Në baŋ cï ë Nhialic Yï thieei aɣet athɛɛr.

Diɛt 45:4

Në bäänydu lɔ tueŋ në tiëm, në biäk bï yïn yic kony kekë piathëpiɔ̈u. Riɛldu abï yïn yiɛ̈n tiëm dït!

Kɛ̈ŋ 10:32

Kɔc piɛthpiɔ̈ɔ̈th aŋickï jam në ka rɔ̈ŋ, ku jam de ruëëny ee këde kɔc ee karɛc looi.

Kɛ̈ŋ 16:21

Raan pel nɔm aye ŋic në yöŋdɛn ë käŋiic, ku wël mit ee ke lueel ayek kɔc puk piɔ̈ɔ̈th.

Kɛ̈ŋ 25:11

Wël cï ŋiëc lööny tëden ayek ciët gul cï thɔ̈ɔ̈th ë adhäm de thar kuny de ateek.

Wɛ̈ɛ̈t 10:12

Wël ye raan pelnɔm lueel, ayek en tɔ nhiaar guöp, ku raan piɔlpiɔ̈u aye liemde riɔ̈ɔ̈k.

Diɛt ke 5:16

Thoŋde amit arɔ̈ŋ ke ciëm, këriëëc tɔ̈u ë biäkde ëbɛ̈n ee ya miët piɔ̈u. Yen täu tɔ̈u ë monydiën nhiaar ka, diëër ke Jeruthalem.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Luk 2:47

Ago kɔc wën piŋ këde agokï gäi kedhie në ŋïny ŋic en käŋ ku në bëër ee yen käŋ bɛ̈ɛ̈r.

Luk 2:48

Na wën, aa cïk e tïŋ, ke ke jɔ gäi arëët: ku jɔ man yɔ̈ɔ̈k an, “Wëndï, eeŋö ë luöiyë wook wuya? Tïŋ, wuur ku yɛn yïn cuk kɔɔr ke wo dhiau.”

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Luk 4:21

Go jam gɔl ke keek an, “Köölë këcïgɔ̈ɔ̈rë acï tɔ ye yic ë weyïth.”

Jɔn 1:45

Go Pilip Nathanyel yök, ku jɔ lɛ̈k en an, “Wok ë raan yök, raan cï Mothe këde gɔ̈ɔ̈r ë löŋic, ayï tït, Yecu de Nadhareth, wën ë Jothep.”

Jɔn 6:42

Gokï lueel an, “Kënë cie Yecu, wën ë Jothep, raan ŋic wok wun ayï man? Ku eeŋö jɔ en ë lueel an, yɛn ë bɔ̈ piny paannhial?”

Jɔn 7:46

Go bäny ee kɔc mac pɔ̈k nïïm keek an, “Ëcaŋɣɔn acïn raan cï kɔn jam cït man ee raanë!”

Luɔi 6:10

Ku acï teer ke dhal, në pɛl pel en nɔm, ku në Wëi cath në yen, të jiɛɛm en.

Tito 2:8

Ye jam ë jam piɛth, jam cïï duëërë jɔ̈ɔ̈ny, ke raan de ater ke yïn ke bï yäär, ke cïn jam rɛɛc duëërë lueel ë këda.