Luk 24:47 - JAM DE NHIALIC 2011

⁴⁷ ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luk 24:47 ပူးပေါင်းရင်းမြစ်များ

Cäk 12:3

Kɔc ee yï thieei, abä keek aa thieei. Ku kɔc ee yï cieen, abä keek aa cieen. Ku juöör ke piny nɔm, abä keek thieei në yïyic.”

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 67:7

Nhialic acï wo thieei, tɔ kɔc ke piny thar ëbɛ̈n luui yen.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 49:22

Acïï Bɛ̈nydït Awärjäŋ lɛ̈k kɔcke: “Yɛn bï kïït nyuöth juöör, ku abïk mïthkun pɔ̈k nïïm baai.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

1 Jɔn 2:12

Wek gäär, wek mïththiaakäŋ, ë luɔi cï karɛckun päl week në baŋ de rinke.