Luk 24:46 - JAM DE NHIALIC 2011

⁴⁶ ku yöök keek an, acï gɔ̈ɔ̈r alë an: “Kërtho abï käŋ dhil guum, ku be rɔt jɔt ë kɔc cï thou yiic ëkööl ee kek diäk,

Luk 24:46 ပူးပေါင်းရင်းမြစ်များ

Yith 50:6

Yɛn cï a kɔ̈u yɔ̈t kɔc ee yɛn dui. Akɛ̈n ke jɔ̈ɔ̈ny wën lɛ̈ɛ̈t kek ɛn, wën cuɛ̈n kek nhïm ke yanök bei, ku ŋuutkï yanyin.

Math 26:24

Wën ë Raan alɔ, cït man cï e gɔ̈ɔ̈r ë këde, ku amawoou në raan bï Wën ë Raan nyiɛɛn! Aduëër ŋuɛ̈ɛ̈n tëde yen, të kënë ye dhiëëth, en ëraanë!”

Luk 24:44

Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Luk 24:7

‘Wën ë Raan abï dhil yiɛ̈n kɔc rac, ku bï piäät ë tim cï rïïu nɔm kɔ̈u, ku bï rɔt bɛ jɔt ëkööl ee kek diäk.”’

Jɔn 20:9

(Aŋootkï ke ke kuc këcïgɔ̈ɔ̈r an, bï rɔt dhil jɔt ë kɔc cï thou yiic.)

Luɔi 17:3

ee käŋ weer thäär, ku nyuth keek apiɛth an, “Kërtho acï käŋ dhil guum, ku be rɔt jɔt ë kɔc cï thou yiic, ku ye lueel aya, an, Yecuyë, raan guiëër ɛn week këde, yen aye Kërtho.”

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,