Luk 24:44 - JAM DE NHIALIC 2011

⁴⁴ Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Luk 24:44 ပူးပေါင်းရင်းမြစ်များ

Cäk 14:18

Ago Melikidhedek, meliŋ de Thalem, ku ye bɛ̈ny dïït de kake Nhialic dïït nhial, këcam kekë mɔ̈u yiɛ̈n Abram.

Cäk 22:18

Juöör ke piny nɔm kedhie abïk athiɛɛi aa lip tëde Yɛn, an thiɛɛi keek cït man cän mïthku thieei. Në luɔi cïn löŋdï döt.”

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 118:22

Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 33:14

Go Bɛ̈nydït lueel an, “Akööl abïkï akööl bän gutguut cä lɛ̈k baai de Yithriɛl kekë baai de Juda looi.

Edhekiɛl 17:22

Kë lueel ë Bɛ̈nydït Awärjäŋ kï: “Yɛn bï tim de thidar teem nɔm, ku tɛ̈ɛ̈m këër koor bei ku cuɔm në kuur bäär nɔm,

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 7:13

Ku në ee nyuuthë yic wakɔ̈u, yɛn cï kë cït mɛnh ë raan tïŋ. Abɔ̈ të nu yɛn thïn ke cï geeu në luäät, ago lɔ të de raan pïïr aɣet athɛɛr, go lɔ gäm en.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Dhek 14:4

Në ë köölë abï kɔ̈ɔ̈c ë kuur de olip nɔm në Jeruthalem të lɔ aköl amiäk, ku ëtɛ̈ɛ̈n kuur de olip abï e yic tek ë rou gɔl ë aköl amiäk lee aköl athɛ̈i në gökdït ë wak. Biäk de kuur abï lɔ të lɔ rut ku biäk tök abï lɔ të lɔ wöuwic.

Dhek 6:12

Ku lɛ̈kë yen an aye Bɛ̈nydït de rɛm lueel an, ‘Raan cɔl Këër abï bäny të tɔ̈u en thïn, ku abï Luaŋdït bɛ yïk.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Kuɛ̈n 21:8

Na wën, ke lëk ë Bɛ̈nydït Mothe nɔn thɛ̈ɛ̈th en karɛc de maläŋ, ku tɛ̈ɛ̈u në wai nɔm. Na de raan cïï kërac kac, ke bï kërac de maläŋ aa woi, go guöp waar.

Kuɛ̈n 35:25

ku akutnɔm abï raan cï raan nɔ̈k kony në kɔc kɔɔr bïk raanden guöör, na lë ke akutnɔm abï raan jɔ tuɔɔc ë wuöt ke thiaan yiic, ku abï jɔ rëër ëtɛ̈ɛ̈n agut cï thon de bɛ̈nydïït ë kake Nhialic cï tɔc në miök ɣeric,

Math 1:22

Ku kakë acï ke looi kedhie, ë luɔi bï jam aa yic jam ɣɔn cïï Bɛ̈nydït lueel në thoŋ ë tiët an:

Math 16:21

Ëköölë acï Yecu kɔckɛn ë piööcë gɔl ë nyuuth luɔi bï en dhil jäl le Jeruthalem, ku luɔi bï en kajuëc guum tëde röördït ku bänydït ke ka ke Nhialic, ku kɔc ë löŋ gɔ̈ɔ̈r, ku bï nɔ̈k abï thou, ku bï rɔt bɛ jɔt ëkööl ee kek diäk.

Math 26:54

Ku kacïgɔ̈ɔ̈r duëërkï aa yith adï, kë luel en an, bï käŋ dhil nu aya?”

Math 26:56

Ku kakë acïk tïc kedhie, luɔi bï kacïgɔ̈ɔ̈r aa yith, ka ke tït.” Na wën, ke nyiëëŋ ë kɔcpiööcë piny kedhie, ku kɔtkï.

Mak 9:31

Ee kɔc kɔckɛn ë piööcë wɛ̈ɛ̈t, yöök keek an, “Wën ë Raan acï tääu ë kɔc cin, ku abïk nɔ̈k, na miäk, aacï nɔ̈k, ka bï rɔt bɛ jɔt ë nïn ee kek diäk.”

Luk 21:22

Aköölkë ee akööl ke guur, kööl bï kacïgɔ̈ɔ̈r thöl ë luɔi kedhie.

Luk 22:37

Wek yɔ̈ɔ̈k an, cöökë, cöök cï gɔ̈ɔ̈r në këdï, aŋoot ke bï dhil thök ë yaguöp, cöök cï lueel an, ‘Acï mat kekë kɔc ee löŋ dhɔ̈ŋic ëtök,’ kakï yɛn adekï thökden aya, thök bï kek thök.”

Luk 24:46

ku yöök keek an, acï gɔ̈ɔ̈r alë an: “Kërtho abï käŋ dhil guum, ku be rɔt jɔt ë kɔc cï thou yiic ëkööl ee kek diäk,

Luk 9:22

Ku lueel an, “Wën ë Raan abï kajuëc dhil guum, ku abïï röördït rɛɛc, ku bänydït ke ka ke Nhialic, ku kɔc ee löŋ gɔ̈ɔ̈r, ku abï nɔ̈k, ku be rɔt jɔt ëkööl ee kek diäk.”

Luk 9:44

“Takï wëlke lööny ë weyïth ya! Wën ë Raan ë thiɔ̈k ke luɔi bï ë tääu ë kɔc cin.”

Jɔn 3:14

Acït man cï Mothe kërac jat nhial ë jɔ̈ɔ̈ric, yen acït jön bï Wën ë Raan dhil jat nhial aya:

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Jɔn 5:46

Tëë we cï Mothe gam, adï cäk ɛn gam aya: acï këdï gɔ̈ɔ̈r.

Luɔi 13:33

yen acïï Nhialic tɔ ye yic tëde wook wok mïthken, në jön cï en Yecu bɛ jat nhial, acït man cï ë gɔ̈ɔ̈r ë Diɛt ye kek rou yiic an, ‘Yïn ee Wëndï, ee köölë yïn cä dhiëëth.’

Luɔi 13:40

Jakï röt tïŋ, ke kënë cïï bï bɛ̈n tëde week, kë cï lueel ë tït yiic an,

Luɔi 2:27

Luɔi cïï yïn wëikï bï nyääŋ paan ë thuɔɔu, ku cïï raanduön ɣeric bï tɔ tïŋ dhiap.

Luɔi 3:18

Ku kakë, ka cïï Nhialic tɔ luel tueŋ në thook ke tïtke kedhie an, bï Kërtho käŋ dhil guum, kek acï ke tɔ ye yith.

Luɔi 7:37

Yen Motheyë kï, raan wään yöök kɔc ke Yithriɛl an, ‘Tiët tök abïï Bɛ̈nyduöndït Nhialic jat nhial në këdun ë kɔckun yiic, raan cït ɛn, jamde abäk piŋ.’

Ɣeberuu 10:1

Läm ye Judai lam në kueer ë löŋ thɛɛr, acie läm de yic yic, yen, aa tïm de kapiɛth bï Kërtho bɛ̈ɛ̈i, kɔc ee Nhialic lɔ̈ŋ në kueer ë ka ye nɔ̈k në ruöön thok ëbɛ̈n, acïï ke bï kɔn ɣɛɛt të bï kek piɔ̈ɔ̈th dikëdik.

Ɣeberuu 3:5

Ku Mothe aaye raan adöt në luɔi de dhiën ë Nhialic nɔm tëde kɔcke kedhie. Ku ye keek guiëër ka bï lueel rial wadäŋ.

Ɣeberuu 7:1

Yen Melkidhedek guöpde, aaye meliŋ de Thalem ku ye bɛ̈nydït de kake Nhialic Awärjäŋ. Ɣɔn le Abraɣam enɔm dɔ̈k ciëën të cï yen lɔ biök kekë meliik kaŋuan go ke tiaam, go Melkidhedek loor nɔm ku thieei.

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.