Luk 24:39 - JAM DE NHIALIC 2011

³⁹ Wɔikï yacin ku yacök, nɔn ee yen yɛn guöp? Tiɛckï yɛn ku tiëŋkï, jɔk acïn rïŋ ku yom, cït man cä wek e tïŋ nɔn ciɛth kek ë yɛn.”

Luk 24:39 ပူးပေါင်းရင်းမြစ်များ

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Luk 24:38

Go ke thiëëc an, “Eeŋö päu wek piɔ̈ɔ̈th? Ku eeŋö luɛɛl wek kajuëc ë wepiɔ̈ɔ̈th?

Luk 24:40

Ku të cï en kënë lueel, ke jɔ ecin nyuöth keek ayï yecök.

Jɔn 20:20

Na wën, aacï kënë lueel, ke ke jɔ nyuöth yecin ku yelɔ̈ɔ̈m. Go kɔcpiööcë piɔ̈ɔ̈th miɛt, wën cï kek Bɛ̈nydït tïŋ.

Jɔn 20:25

Ago kɔc kɔ̈k ë piööcë yɔ̈ɔ̈k an, “Wok ë Bɛ̈nydït tïŋ!” Go keek yɔ̈ɔ̈k an, “Të ŋuɔɔt ɛn ke ya kën tëde wiɛth tïŋ ë yecin, aguɔ yaciin tääu tëde wiɛth, ku të ŋuɔɔt ɛn ke ya kën a ciin luöt ë yelɔ̈ɔ̈m, ka cä bï gam.”

Jɔn 20:27

Go Thoma yɔ̈ɔ̈k an, “Bɛ̈ɛ̈iyë yïciin eenë, ciin thiinë ku woi a cin, ku bɛ̈ɛ̈iyë yïciin, luötë ë yalɔ̈ɔ̈m: ku du gäm reec, gämë!”

Luɔi 1:3

ɣɔn cï en käŋ thöl ë guöm, ke jɔ rɔt nyuöth keek ke pïïr. Në kajuëc bïk ŋic ëgɔk, aaye tuöl tëde keek ë nïn kathiërŋuan, ku jɔ ya cool ë luel jam ë ka ke ciɛɛŋ de Nhialic.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.