Luk 24:30 - JAM DE NHIALIC 2011

³⁰ Na wën, aacï nyuc ke keek tën ee cam, ke nöm kuïn cï pam, leec Nhialic, ku wɛ̈ɛ̈kic, ku gëm keek.

Luk 24:30 ပူးပေါင်းရင်းမြစ်များ

Math 14:19

Go kut ë kɔc yɔ̈ɔ̈k an, “Bïk nyuc ë wal nïïm, ku nöm kuïïn cï pam kadhïc, ku rec kaarou, go nhial lieec, ku lueel, an, “Thieithieei, go kuïïn wääk yiic, ku gëm ke kɔcpiööcë, go kɔcpiööcë ke gäm kut ë kɔc.

Math 15:36

Na wën, ke nöm kuïïn cï pam kadhorou, ku rec, ku jɔ lëk Nhialic thieithieei, ku wɛ̈ɛ̈k ke yiic, ku gëm keek kɔckɛn ë piööcë, go kɔcpiööcë ke yiɛ̈n kut ë kɔc.

Math 26:26

Na wën, aa ciëmkï, ke Yecu ë kuany kuïn cï pam, go thieei, ku wɛ̈ɛ̈kic, ku yïn kɔcpiööcë, lueel an, “Nämkï, camkï, guöpdï kï.”

Mak 14:22

Na wën, aa ciëmkï, ke nöm kuïn cï pam, go thieei, ku wɛ̈ɛ̈kic, ku jɔ gäm keek, lueel an, “Ŋäkï camkï: guöpdï kï, ee kënë.”

Mak 6:41

Na wën, ke kuany kuïïn cï pam wën kadhïc ku rec kaarou, go tënhial lieec, ku leec Nhialic, go kuïïn cï pam wääk yiic: ku yïn ke kɔcpiööcë bïk ke lɔ tääu ë kɔc nïïm, ku jɔ rec kaarou tɛ̈k keek kedhie.

Mak 8:6

Go kut ë kɔc yɔ̈ɔ̈k bïk nyuc piny: na wën, ke kuany kuïïn cï pam kadhorou, ku jɔ Nhialic leec, go ke wääk yiic, ku gëm keek kɔckɛn ë piööcë, bïk ke tääu ë kɔc nïïm, gokï ke tääu ë kut ë kɔc nïïm.

Luk 22:19

Na wën, ke nöm kuïn cï pam, ku leec Nhialic, ku wɛ̈ɛ̈kic, ku yïn keek, lueel an, “Guöpdï kï, guöpdiën cï gam në baŋdun week, yak kënë looi në täŋ bä wek wenïïm aa tak në yɛn.

Luk 24:29

Gokï pëën an, “Rɛ̈ɛ̈rë we wook, piny acï aa thëën, akɔ̈l ë thiɔ̈k ke lɔ piny.” Go lɔ ɣöt le rëër ke keek.

Luk 24:35

Go kɔc wën kaarou gokï ka cï tïc kueer guiir, ku ŋïny cï kek e jɔ ŋic ë wɛ̈ɛ̈k cï en kuïn cï pam wääkic.

Luk 9:16

Na wën, ke kuany kuïn cï pam kadhïc ku rec kaarou, ku jɔ tënhial lieec, go ke thieei, ku wɛ̈k keyiic, gëm ke kɔcpiööcë, bïk ke lɔ tääu ë kut ë kɔc nïïm.

Jɔn 6:11

Na wën, ke Yecu nöm kuïïn cï pam, ku të cï en thieithieei lueel, ke ke jɔ tɛ̈k kɔckɛn ë piööcë ku tɛ̈kkï kɔc wën cï nyuc piny. Ayï rec aya acï keek looi aya, agokï yök ëbɛ̈n në këdɛn ë kekpiɔ̈ɔ̈th.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 27:35

Na wën, aacï kënë lueel, ke jɔ kuïn cï pam nööm, ku jɔ Nhialic yɔ̈ɔ̈k, an, Thieithieei, ë kenïïm kedhie, na wën, ke wɛ̈kic ciɛm.