Luk 24:19 - JAM DE NHIALIC 2011

¹⁹ Go ke thiëëc an, “Ee käŋö?” Gokï lueel an, “Ka ke Yecu de Nadhareth, ee tiët ril ë luɔide ku wëlke ë Nhialic nɔm ku në kɔc nïïm kedhie.

Luk 24:19 ပူးပေါင်းရင်းမြစ်များ

Math 21:11

Go kut ë kɔc lueel an, “Kënë ee Yecu, tiët de Nadhareth de Galili.”

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Luk 24:18

Go raan tök ë keek, cɔl Kleopath, go bɛ̈ɛ̈r an, “Yïn ye kaman rɛ̈ɛ̈r yïtök ë Jeruthalem, ku kuc kë cï tïc ëtɛ̈ɛ̈n ë aköölkë?”

Luk 7:16

Go kɔc dɔm ë riɔ̈ɔ̈c kedhie: ku jɔkï Nhialic leec, luekï an, “Tiët dït acï tuöl ë woyiic! Nhialic acï kɔcke bɛ̈n neem!”

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 4:19

Go tik lueel an, “Bɛ̈ny, yïn ŋiɛc yïn ee tiët.

Jɔn 6:14

Ago kɔckë, të cï kek gök cï Yecu looi tïŋ, agokï lueel an, “Ee yic, raanë ee tiët wään, an, bï bɛ̈n ë piny nɔm!”

Jɔn 7:52

Gokï bɛ̈ɛ̈r, yöökkï, an, “Ayïk yïn, yee raan ë Galili? Kɔɔr ku tïŋ: acïn tiët ee rɔt jɔt bïï bei ë Galili.”

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Luɔi 7:22

Go Mothe wëët në pɛlënɔm ë kɔc ke Rip ëbɛ̈n, acï aa raan ril ë wël ku luɔi.

Nyöŋ 18:15

Ku kë bïï looi, abï week tuöc tiët de Nhialic cït ɛn, raan de kɔckun yiic ku abäk dhil riëëu.