Luk 23:44 - JAM DE NHIALIC 2011

^44-45 Na wën, të cït thaar kadhetem, ke mɔ̈ɔ̈th bɔ̈ ë piny nɔm ëbɛ̈n aɣet thaar ë dhoŋuan, akɔ̈l ë määr: ku jɔ lupɔ dïït de Luaŋdït yic rɛɛt ë ciɛɛlic.

Luk 23:44 ပူးပေါင်းရင်းမြစ်များ

Diɛt 105:28

Nhialic acï mɔ̈ɔ̈th tuöc ee paanë, ku kɔc ke Rip akënkï löŋde bɛ̈n riëëu.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Amoth 8:9

Ade kööl bɔ̈, kööl bän akɔ̈l tɔ lɔ piny ke ŋoot cil, ku ta piny col aköl. Ee Yɛn Bɛ̈nydït Nhialic Yɛn aa jam.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Math 27:52

ku liep rɛ̈ŋ röt, go gup juëc röt jɔt, gup ke kɔc ɣerpiɔ̈ɔ̈th kɔc cï thou.

Mak 15:39

Na wën, ke bɛ̈ny de rem ë alathkëër, bɛ̈ny wën kääc ë yenɔm tueŋ, të cï en e tïŋ ke cöt aya, ago thöök, ke jɔ lueel an, “Ee yic, raanë aaye Wën ë Nhialic!”

Jɔn 19:14

Ku yen aye kööl ë Guiɛɛk de Winythok, ku acït thaar kadhetem. Go Judai yɔ̈ɔ̈k an, “Wɔikï Melikdun!”

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk: