Luk 23:4 - JAM DE NHIALIC 2011

⁴ Go Pilato lɛ̈k bänydït ke ka ke Nhialic ku kuut ke kɔc an, “Acïn awäny cä yök tëde ëraanë.”

Luk 23:4 ပူးပေါင်းရင်းမြစ်များ

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Mak 15:14

Go Pilato ke thiëëc an, “Eeŋö, ee kërɛɛc ŋö cï looi?” Gokï cööt arëët an, “Piäätë ë tim cï rïïu nɔm kɔ̈u!”

Luk 23:22

Go keek bɛ yɔ̈ɔ̈k raandiäk an, “Ee käŋö, ee kërɛɛc ŋö cï raanë looi? Acïn awäny cä yök tëde yen kë duëër ye nɔ̈k: yen a bän e dui ku jɔ lony.”

Jɔn 18:38

Go Pilato thiëëc an, “Yic eeŋö?” Na wën, aacï kënë lueel, ke lɔ biic le të nu Judai, ku lëk keek an, “Acïn awäny cä yök tëde yen.

Luɔi 25:25

Ku luɔi cïn en kë cä yök, kë bï e nɔ̈k, ku luɔi cï en a lɔ̈ŋ, yenguöp an, bï këde lɛɛr në Augutho nɔm, ke guɔ lueel an, bä tɔ leerë.

Luɔi 3:13

Nhialic de Abraɣam ku Yithaak ku Jakop, Nhialic de kuarkuɔ, yen acï wëndɛn Yecu gäm dhuëëŋ, raan wään cäk yiɛ̈n miric, ku cäk rɛɛc ë Pilato nɔm, wään cï en löŋde teem an, pɛ̈l.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Pet 2:22

Raan cïn kërɛɛc cï looi, ku cïn ruëëny cï yök ë yethok,

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,