Luk 23:33 - JAM DE NHIALIC 2011

³³ Na wën, aa cïk ɣet të cɔl “Apet,” ke jɔkï piäät ëtɛ̈ɛ̈n ë tim cï rïïu nɔm kɔ̈u, ku piëëtkï kɔc cï kërac looi, tök ë baŋ cuënyde, ku tök ë baŋ cam.

Luk 23:33 ပူးပေါင်းရင်းမြစ်များ

Diɛt 22:16

Kɔc rac acïk ɛn gɛɛu cil, acïk ɛn biɔ̈u cï man ë jɔ̈k, acïk ɛn kac cök ku kackï yacin.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 20:19

ku yïnkï Juöör lek geet, ku lek dui ë waat, ku lek piäät ë tim cï rïïu nɔm kɔ̈u, ku ëkööl ee kek diäk abï rɔt bɛ jɔt.”

Math 26:2

“Aŋiɛckï nɔn bï Dhuëëŋ looi të cï nïn thök kaarou, Dhuëëŋ cɔl Winythok, ku Wën ë Raan abï nyiɛɛn, go piäät ë tim cï rïïu nɔm kɔ̈u.”

Luk 24:7

‘Wën ë Raan abï dhil yiɛ̈n kɔc rac, ku bï piäät ë tim cï rïïu nɔm kɔ̈u, ku bï rɔt bɛ jɔt ëkööl ee kek diäk.”’

Jɔn 18:32

(Kënë ë rɔt looi në luɔi bï jam aa yic, jam wään lueel Yecu, nyooth en thon bï en thou.)

Jɔn 3:14

Acït man cï Mothe kërac jat nhial ë jɔ̈ɔ̈ric, yen acït jön bï Wën ë Raan dhil jat nhial aya:

Luɔi 13:29

Na wën, aa cïk käŋ thöl kedhie ka cï gɔ̈ɔ̈r në këde, ke jɔkï bɛ̈ɛ̈i bei ë tim kɔ̈u, tɛ̈ɛ̈ukï ë raŋic.

Luɔi 2:23

yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Luɔi 5:30

Nhialic de kuarkuɔ acï Yecu jat nhial, raan cäk nɔ̈k, wään nɔ̈ɔ̈k wek en ë tim nɔm.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Nyöŋ 21:23

guöpde acïï bïï tɔ tɔ̈u ë tim kɔ̈u aɣët cï wakɔ̈u. Abï dhil tɔ̈ɔ̈u ee kööl töŋë yic, në biäk ye guöp de raan cï thou nɔ̈ɔ̈k ë tim kɔ̈u aciɛɛn ë Nhialic bɛ̈ɛ̈i piny. Täukï guöp de raan cï thou, aguɔkï piny gëmë Bɛ̈nydït Nhialicdun week cïï bï riɔ̈ɔ̈k.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.