Luk 23:14 - JAM DE NHIALIC 2011

¹⁴ ku lëk keek an, “Raanë acäk bɛ̈ɛ̈i tëde yɛn an, ee raan ë kɔc thöi nïïm: ku tiëŋkï, acä luɔp ë wenïïm, ku acïn kërɛɛc cä yök tëde raanë në ka gaany wek en.

Luk 23:14 ပူးပေါင်းရင်းမြစ်များ

Danyel 6:4

Na wën ke kɔc ee bäny ke wuöt tiit ku lɔ bäny ke wuöt kɔ̈k, acïk them nɔn bï kek kë cïï piɛth yök në luɔi mɛc ë Danyel ciɛɛŋ, ku acïn awäny cïk bɛ̈n yök. Danyel aaye raan ye ŋɔ̈ɔ̈th ku acïn kërɛɛc ye looi, ku cïn këde ruëëny ye looi.

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Math 27:24

Na wën, aacï Pilato e tïŋ nɔn cïn en luɔi bï en e lëu, ku duëër anuɔɔn bɛ̈ɛ̈i tei, ke nöm pïïu, ku piny ecin ë kut ë kɔc nïïm, ku lueel an, “Yɛn liu ë riɛm ë raanë yic, raan cïn kërɛɛc cath ke ye! Ee këdun wapäc!”

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

Math 27:54

Na wën, ke bɛ̈ny de rem, kekë kɔc cath në yen, kɔc tit Yecu, të cï kek niɛŋ cï piny rɔt niɛŋ tïŋ, ku tïŋkï ka cï looi, agokï riɔ̈ɔ̈c arëët, ku luelkï an, “Ee yic, kënë ee Wën ë Nhialic!”

Luɔi 13:28

Ku na ciɛk ciën cöök cïk yök cöök duëërëye nɔ̈k, ke ke läŋ Pilato tei, an, bï nɔ̈k.

Luɔi 17:11

Ku kɔckë ee kɔc cï ŋiëc dhiëëth awärkï Judai nu Thethalonike, agokï jam dap piŋ në piɔ̈nmit, ku jɔkï kacïgɔ̈ɔ̈r aa woi yiic ë aköölnyïïn kedhie, ke bïk ŋic nɔn tɔ̈uwë käŋ aya.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.