Luk 22:36 - JAM DE NHIALIC 2011

³⁶ Go ke yɔ̈ɔ̈k an, “Ku ënɔɔnë, raan de anyɔŋɔ ë wëu, ke nööm, ku nöm athep ë këcam aya: ku raan cïn nɔm abätäu, ke ɣɔɔc lupɔde, ɣöc en rɔt abätäu.

Luk 22:36 ပူးပေါင်းရင်းမြစ်များ

Math 10:10

ayï anyɔŋɔ në këde kueer duökï ke muk, duökï aluluut muk kaarou, ayï war, ayï thieec, duökï ke muk, raan ë luui ee röŋ ke këdɛn ee cam.

Luk 22:35

Na wën, ke ke thiëëc an, “Wään tuɔɔc ɛn week ke cïn anyɔŋɔ ë wëu, ku cïn athep ë këcam, ku cïn war, de kë cï we bɛ̈n dak?” Gokï an, “Acïn këdäŋ.”

Luk 22:37

Wek yɔ̈ɔ̈k an, cöökë, cöök cï gɔ̈ɔ̈r në këdï, aŋoot ke bï dhil thök ë yaguöp, cöök cï lueel an, ‘Acï mat kekë kɔc ee löŋ dhɔ̈ŋic ëtök,’ kakï yɛn adekï thökden aya, thök bï kek thök.”

Luk 22:38

Gokï lueel an, “Bɛ̈nydït, tïŋ, Abätɛ̈ɛ̈u kï, kaarou.” Go lueel an, “Ë loi.”

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

1 Theth 3:4

Ayï ɣɔn tɔ̈u wok ë weyiic ayadäŋ, acuk kɔn lɛ̈k week nɔn bï wo kërɛɛc dhal wook guum, acït man cï en guɔ aa yic ënɔɔnë, aŋiɛckï week.

1 Pet 4:1

Ku ënɔn cï Kërtho käŋ guum ë biäkda ë yeguöp, ke week aya, yak wepiɔ̈ɔ̈th tɔ thöŋ ë piɔ̈nde, raan cï käŋ guum ë yeguöp acï guɔ pɔ̈k ke kërac.