Luk 21:25 - JAM DE NHIALIC 2011

²⁵ Ku kagöök abïk tïc ë akɔ̈l nyin, ku pɛɛi nyin, ku kuɛl nyïïn, ku në piny nɔm jiɛthëpiɔ̈u abï nu ë juöör yiic, ku mumënɔm, wɛ̈ɛ̈r abï awuööu de apiöök amaŋ thïn.

Luk 21:25 ပူးပေါင်းရင်းမြစ်များ

Diɛt 46:3

Na cakaa wɛ̈ɛ̈r yen ë nieŋ rɔt në awuɔɔu, ku nieŋ ɣään thɔ̈ny röt në tɔɔŋ.

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Yith 17:12

Juöör ril bï bɛ̈n piɔ̈t ë Yithriɛl acïk awuööu pɔ̈l cï pïïu ke wɛ̈ɛ̈r, ku cïtkï kuëër de apiöŋ dït.

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 5:30

Të le köölë bɛ̈n, abïk roor aläl ke ke bɛ̈k Yithriɛl cït man ë wɛ̈ɛ̈r. Tiëŋkï wut! Ee mɔ̈ɔ̈th ku nuandït! Ɣɛɛr acïï ë mɔ̈ɔ̈th liek.

Yith 51:15

“Yɛn Bɛ̈nydït Nhialicdun, Yɛn cï wɛ̈ɛ̈r liääp ku ta apiɔ̈ŋde wuur. Rinkï acɔlke Bɛ̈nydït de rɛm!

Jeremia 4:23

Yɛn cï piny tïŋ ke ye riaaŋ cïn kë ye yök thïn, ku të nhial acïn ɣɛɛr.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Maika 7:4

Kɔc arackï kedhie, ku raan ŋuän ë keyiic acït kou, ku adhuɛ̈ŋden acït thil. Akööl acïk bɛ̈n, akööl ɣɔn cï tïtkun week yɔ̈ɔ̈k, akööl bï Nhialic we luöi këtuc. Ka ënɔɔnë, wek cï nïïm nuɔɔn.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Mak 13:24

Ku në aköölkë yiic, të cï këtuc ë kɔc dhal wan, ke akɔ̈l abï cuɔl, ku pɛɛi acïï bï bɛ ɣɛɛr,

Mak 13:26

Na ëlë, ka bïk Wën ë Raan tïŋ abɔ̈ ë luäät yiic acath kekë riɛldït ku dhuëëŋdït.

Mak 15:33

Na wën, aa cï thaar aa dhetem, ke piny ë jɔ guɔ cuɔl ëcut ë piny nɔm ëbɛ̈n aɣët thaar kadhoŋuan.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Luk 21:26

Kɔc abïk wëi miɛt në riɔ̈ɔ̈c, ku diɛɛr ee kek diɛɛr në kë bɔ̈ ë piny nɔm, karil nu tënhial abï ke niɛŋ.

Luɔi 2:19

Ku kake gäi abä ke tɔ tiëc tënhial, Ku ta göök tiëc ë piny nɔm, Riɛm, ku mac, ku toltool ë piny:

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.