Luk 21:12 - JAM DE NHIALIC 2011

¹² Ku të ŋootë kakë wei, ke we bïï kɔc dɔm, ku yɔŋkï week, ku leerkï week ë ɣööt ke Nhialic yiic, ku tɛ̈ɛ̈ukï week ë aloc yiic, ku we bï aa bɛ̈ɛ̈i ë meliik nïïm ku bäny nïïm në biäk de rinkï.

Luk 21:12 ပူးပေါင်းရင်းမြစ်များ

Math 22:6

go kɔc cï döŋ gokï lïïmke dɔm, ku kurkï keek, ku näkkï keek.

Math 24:8

Ku kakë kedhie acïtkï kɛ̈c ee tik käc të kɔɔr en dhiëth.

Luk 21:11

Ku piny abï rɔt niɛŋ tɛ̈ɛ̈n ku tɛ̈ɛ̈n, ku bɔ̈ cɔŋdït ku jɔɔk ee kɔc thöl, ku ka ye kɔc tïŋ agokï riɔ̈ɔ̈c abïk nu ayï kagöök bɔ̈ nhial.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Luɔi 22:30

Na ɣɔn amiäk, nɔn de yen piɔ̈u luɔi bï en thar ë këdäŋ ŋic ëgɔk, kë gɔɔnyë Judai ye, ke jɔ Paulo lony ë joth yiic, ku cɔɔl bänydït ke ka ke Nhialic kekë kɔc ke löŋ kedhie an, bïk bɛ̈n. Go Paulo bɛ̈ɛ̈i, ku tɛ̈ɛ̈uwë ë kenïïm.

Luɔi 5:40

Gokï löŋde gam: na wën, aa cïk tuuc cɔɔl, ke ke duikï, ku thɔnkï keek aläl an, Duökï jam be ya guiir në rin ke Yecu: ku jɔkï ke pɔ̈l.

Luɔi 8:3

Ku Thaulo yen aaye ɣön ë Nhialic riɔ̈ɔ̈k, ee lɔ ë ɣööt yiic kedhie, le ku dɔm röör ku diäär, mɛc keek ë aloocic.

Luɔi 9:4

Go wïïk, ku piŋ röl yöök en an, “Thaulo, Thaulo, eeŋö yɔŋ yïn ɛn?”

1 Pet 2:13

Yak ciɛɛŋ ëbɛ̈n gam në biäk de Bɛ̈nydït ciɛɛŋ ee kɔc piny cieŋ: nɔn ee yen melik, raan nu ë kɔc nïïm kedhie,

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.