Luk 20:41 - JAM DE NHIALIC 2011

⁴¹ Go ke thiëëc an, “Eeŋö lueelë kɔc en an, Kërtho ee wën ë Debid?

Luk 20:41 ပူးပေါင်းရင်းမြစ်များ

Jeremia 33:21

Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Math 1:1

AWEREK de kuën ë dhiënh cï Yecu Kërtho dhiëëth, ee Wën ë Debid, wën ë Abraɣam.

Math 9:27

Na wën, acï Yecu jäl ëtɛ̈ɛ̈n, ke cöör kaarou ke ke biɔth ecök, ke ke cöt, luelkï an, “Wën ë Debid, tɔ yïpiɔ̈u kok wekë wook.”

Jɔn 7:42

Kënë këcïgɔ̈ɔ̈r lueel, an, Kërtho abɔ̈ në käu de Debid, ku bïï bei ë Betheleɣem, paan ɣɔn nu Debid thïn?”

Luɔi 2:30

Ku yen aaye tiët, ku aŋic nɔn cï Nhialic e lɛ̈k en, abï gutguut lueel an, Në mïth ke thardu yïguöp, yɛn bï Kërtho jat nhial, raan bï rëër ë thöönydu nɔm.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.