Luk 20:36 - JAM DE NHIALIC 2011

³⁶ ku cïkï duëër bɛ thou aya: acïk thöŋ ë tuucnhial, ku ayek wɛ̈ɛ̈t ke Nhialic, wɛ̈ɛ̈t ke jönërɔt.

Luk 20:36 ပူးပေါင်းရင်းမြစ်များ

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Dhek 3:7

Acï Bɛ̈nydït de rɛm lueel an: “Na bä kuɛɛrdï kuany yic, ku döt löŋdï. Ke yïn bä tɔ ye bɛ̈ny de ɣöndï kekë kalde ëbɛ̈n. Ku yïn bä tɔ cït kɔc kääc wekë.

Math 22:30

Ë kööl ë jönërɔt ë kɔc, kɔc acïkï ye thiëëk, ku cïï ke ye thiaak, ayek ciët tuuc ke Nhialic paannhial.

Mak 12:25

Të jɔt kek röt ë kɔc cï thou yiic, ka cïkï ye thiëëk ku cï ke ye thiaak, ayek ciët tuucnhial nu paannhial.

Romai 8:16

Wëidït gup kek aye jam në piɔ̈ɔ̈thkuɔ ëtök, alëkkï wook nɔn ee wok mïth ke Nhialic.

1 Kor 15:26

Raan de ater raan bï tɔ cïn naamde ë käŋ cök ciëën, yen aye thuɔɔu.

1 Kor 15:42

Yen acït jön ë rɔt ë kɔc cï thou aya. Aye com ke ye kë bï dhiap, ee rɔt jɔt ke ye kë cïï bï dhiap.

1 Kor 15:49

Ku cït man ë ye wo cath në cuɛ̈c de raan ë piny, yen abï wo cath ayadäŋ në cuɛ̈c de raan ë paannhial.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 21:4

ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Nyuuth 22:9

Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë tït mïthëkɔckun, ku kɔc ee wël ke awerekë döt: ye Nhialic lam!”