Luk 20:10 - JAM DE NHIALIC 2011

¹⁰ Na wën, aacï pɛɛi ë luɔk ë tiim bɛ̈n, ke jɔ lïm tök tuöc kɔc ee dom tiit an, bïk miɔɔc në ka cï luɔk ë dom ë tiim yiic: go kɔc ee dom tiit gokï dui, ku jɔkï cieec, ke cïn kë muk.

Luk 20:10 ပူးပေါင်းရင်းမြစ်များ

1 Mel 22:24

Na wën, ke tiët Dhedekia jɔt rɔt ku le Mikaya biɔ̈ɔ̈k gëm, ku lop an, “Wëi ke Bɛ̈nydït ë ke jäl nɛn tëde yɛn, ku lek aa jam në yïn?”

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

1 Lëk 19:4

Go Ɣanun tuuc ke Debid dɔm ku muut kethook, ku tem lupɔɔken ë ke ɣöi, ku tɔ keek puk röt ciëën.

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 20:2

go kɔc yɔ̈ɔ̈k bïk tiët Jeremia dui ku tɔ rek ë joth tëthiääk kekë Kal Thoŋ ë Benjamin të lɔ nhial ë Luaŋdïtic.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Luk 20:11

Go lïm däŋ bɛ tooc: gokï dui aya, ku lɛ̈ɛ̈tkï arëët, ku jɔkï cieec, ke cïn kë muk.

Luk 20:9

Na wën, ke jɔ kɔc lɛ̈k kääŋë an: “Raan anu raan cï dom com, dom de tim cɔl enap, ago kuɛ̈i kɔc bï en aa tiit, ku jɔ keny paan mec ë pɛ̈i juëc.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Romai 7:4

Ku week aya, wek mïthëkɔckuɔ, we cï tɔ thou tëde löŋ, në guöp de Kërtho, luɔi bï raan däŋ we thiaak, yen ee raan wään cï jɔt ë kɔc cï thou yiic, luɔi bï wok luɔk në këde Nhialic.