Luk 2:25 - JAM DE NHIALIC 2011

²⁵ Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luk 2:25 ပူးပေါင်းရင်းမြစ်များ

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 1:8

Go Bɛ̈nydït Catan thiëëc an, “De të cïn Jop tïŋ, raandiën ee Ya luööi ku piŋ A thok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.”

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 40:1

Aye Bɛ̈nydït lueel an, “Dut kɔckï piɔ̈ɔ̈th, dut ke piɔ̈ɔ̈th!”

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Kuɛ̈n 11:25

Na wën, ke Bɛ̈nydït ë bɔ̈ piny në luätic, ku jiɛɛm ke Mothe. Go wëi kɔ̈k nööm në wëi wään cï gäm Mothe, ku gëm keek röördït kathiërdhorou. Na wën, alɔ wëi lɔ në keyiic, ke ke go jam cït man ë tït, ka ee luɔi kën en bɛ̈n cieŋ.

Kuɛ̈n 11:29

Go Mothe lɛ̈k en an, “Eeŋö dɔm ë tiɛɛl yïn në këdï? Na ee këdï, Bɛ̈nydït aduëër kɔcke gäm wëi kedhie, ku tɔ keek ee tït kedhie.

Mak 15:43

ke Jothep raan ë Arimathia bɔ̈, raan nu ë löŋic, ku ye raan piɛth, raan ee Ciɛɛŋ de Nhialic ŋɔ̈ɔ̈th aya, bï ku le të nu Pilato ke cï enyin riil, le guöp de Yecu lip.

Luk 1:41

Na wën, aacï Elithabeth thiëc de Meri piŋ, ke meth jɔt rɔt ë yeyäc, go Elithabeth thiäŋ ke Wëidït ɣer:

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 1:67

Go Dhekaria wun go thiäŋ ke Wëidït ɣer, ku jɔ wël guiir an:

Luk 2:38

Na wën, ke ɣet ëtɛ̈ɛ̈n ë thaar manë guöp, ke jɔ Nhialic leec, ku jiɛɛm ke kɔc kedhie kɔc ŋäth wëër bï Jeruthalem wɛ̈ɛ̈r bei, jiɛɛm në këde meth.

Luk 23:51

(raan kën löŋden gam ayï luɔidɛn cïk looi), ee raan ë Arimathia, pänydïït töŋ de Judai, ku yenguöp aŋäth ciɛɛŋ de Nhialic:

Luɔi 10:2

Ee raan rïïu Nhialic, ku ye ka ke Nhialic kɔɔr, yen kekë dhiënde ëbɛ̈n, ku ye adhuɛ̈ŋ ee kɔc miɔɔc aya, ku ye cool ë läŋ Nhialic ë aköölnyïïn kedhie.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 2:5

Ku ade Judai rɛ̈ɛ̈r ë Jeruthalem, kɔc riëëu Nhialic, kɔc ë bɔ̈ bei ë juöör yiic juöör ke pinynɔm ëbɛ̈n.

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

Nyöŋ 18:15

Ku kë bïï looi, abï week tuöc tiët de Nhialic cït ɛn, raan de kɔckun yiic ku abäk dhil riëëu.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.