Luk 19:9 - JAM DE NHIALIC 2011

⁹ Go Yecu lueel an, “Kunydewëi acï bɛ̈n ëköölë, luɔi ee yen wën ë Abraɣam aya.

Luk 19:9 ပူးပေါင်းရင်းမြစ်များ

Luk 13:16

Ku na tiiŋë, nyan ë Abraɣam, nyan cïï Catan mac, dï, ë run kathiëër ku bɛ̈t, cïï duëërë lony ë jonh mɛc en ëkööl ë Thabath?”

Luk 13:30

Ku tiëŋkï, ade kɔc nu ciëën ënɔɔnë kɔc bï lɔ tueŋ, ku de kɔc nu tueŋ ënɔɔnë kɔc bï lɔ ciëën.”

Luk 16:24

Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Luk 16:30

Go lueel an, ‘Ei, Abraɣam wäär: ku na de raan töŋ ë kɔc cï thou yiic lɔ tëde keek, ka bïk kepiɔ̈ɔ̈th puk.’

Luk 2:30

Kunyduön ë wëi acä tïŋ ë yanyin,

Luk 3:8

Jakï luɔk ë luɔi piɛth luɔi bï röŋ ke puŋdepiɔ̈u, ku duökï jam gɔl ë wepiɔ̈ɔ̈th an, wo de wäärda Abraɣam, wek yɔ̈ɔ̈k an, Nhialic aduëër mïth ke Abraɣam cak në kɔikë!

Romai 4:16

Yen abï yen në gäm, ke bï aa këde dhuëëŋ, ago kë cï kɔn lueel, ago dhil aa këde käude ëbɛ̈n, acie këde kɔc nu ë löŋic, ee këde kɔc nu ë gämic aya, gäm de Abraɣam, yen aye wäärda wook wodhie,

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

Galatai 3:7

Yen ŋiɛc wek cöökë an, Kɔc ke gäm kek aye mïth ke Abraɣam.

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.