Luk 19:42 - JAM DE NHIALIC 2011

⁴² Lueel an, “Tëë yï cï ka ke mändu guɔ ŋic oou, yïn guöp, ëköölduönë yoou! Ku ënɔɔnë, acï ke guɔ thiaan ë yïnyin.

Luk 19:42 ပူးပေါင်းရင်းမြစ်များ

Diɛt 32:6

Yen aduëër ë raan cï yï gam ëbɛ̈n Yïn aa lɔ̈ŋ në akööl ke nuan, të bïï amool de riääk ke riŋ, acïï ke bï gïth.

Diɛt 81:13

Anhiaar aläl ë luɔi duëër ë kɔckï jamdï piŋ, ku nhiaar aya ë luɔi duëër kek a riëëu!

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Nyöŋ 32:29

Na ë ke pelnïïm adï cïk ee kënë yökic, adï cïk riääkdɛn ciëën takic!

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Ɣeberuu 3:15

Cït man cïï ye lueel në këcïgɔ̈ɔ̈ric an: “Të piɛŋ wek rölde ee köölë, ke we duökï wenïïm tɔ ril cït man ë kuarkun, ɣɔn cä wek Bɛ̈nydït tɔ diu piɔ̈u.”

Ɣeberuu 3:7

Acït man cïï Wëidït ɣer ye lueel an, “Ëköölë, të piɛŋ wek rölde,