Luk 19:14 - JAM DE NHIALIC 2011

¹⁴ Ku amɛɛn kɔc ke paanden, gokï kɔc tuɔɔc ë yecök, kɔc bï e lɔ lueel an, ‘Wo cïï raanë kɔɔr luɔi bï en wo cieŋ.’

Luk 19:14 ပူးပေါင်းရင်းမြစ်များ

2 Tham 23:7

Abïï raan ke jok në wai ku nɔn ee wëëth, ku abï keek nyop ë mac taitai.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Luk 14:32

Ku na cï ë dhal, të ŋootë bɛ̈ny däŋ ke mec, ke jɔ kɔc tuɔɔc lek mät thiëëc tëde yen.

Luk 19:13

Na wën, ke cɔl lïïmke kathiëër, ku gëm keek jinii kathiëër, go keek yɔ̈ɔ̈k an, ‘Ɣaackï keek aɣet të bän lɔ bɛ̈n.’

Luk 19:15

“Na wën, aacï e nɔm dhuny, ke cï aa melik de ciɛɛŋ, ku jɔ kɔc yɔ̈ɔ̈k an, bï lïïmke cɔ̈l en, kɔc wään cï yiɛ̈n wëu, ke bï kë cïk yök ë ɣööc ŋic, raan ëbɛ̈n.

Luk 19:27

Ku jakï kɔckë bɛ̈ɛ̈i kɔc de ater në yɛn, kɔc wään reec ɛn an, cä bï aa melik bï keek cieŋ, bɛ̈ɛ̈ikï ke ku näkkï ke ë yanɔm!”’

Jɔn 1:11

Aa bɔ̈ tëde kɔcke, ago kɔcke ye cuö gam.

Jɔn 15:18

Të mɛɛnë kɔc ke piny nɔm week, ka ŋiɛckï nɔn cï kek a kɔn maan, ke we ŋoot ke we kënë maan.

1 Tham 8:7

ago Bɛ̈nydït lëk Thamwɛl an, “Piŋ këriëëc ëbɛ̈n lëk ë kɔc yïn. Acie yïn cï kɔc rɛɛc, ee Yɛn ë rɛɛckï ke Ya ye meliŋden,