Luk 18:7 - JAM DE NHIALIC 2011

⁷ Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Luk 18:7 ပူးပေါင်းရင်းမြစ်များ

Diɛt 88:1

Bɛ̈nydït Nhialic konydï, yɛn dhiëëu kuɔɔny aköölnyïïn, ku yɛn ee bɛ̈n në Yïnɔm ë wɛ̈ɛ̈ric wakɔ̈u.

Diɛt 9:8

Ee pinynɔm cieŋ në piathëpiɔ̈u, ku cieŋ juöör në yic.

Bɛ̈n 22:23

Na lak ke kuöc luööi, ke Yɛn bï jamden piŋ Yɛn Bɛ̈nydït, të le kek kuɔɔny cɔɔl tëde Yɛn.

Yith 40:27

Yïn Yithriɛl, eeŋö ee yïn gööny an kuc Bɛ̈nydït nuandun ku cie diɛɛr të guöm wek në kuöc ciɛɛŋ?

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Math 24:22

Ku të kënë aköölkë teem kɔ̈ɔ̈th, ka cïn kɔc duëërë luök, ku në baŋ de kɔc cï lɔc, aköölkë abï ke teem kɔ̈ɔ̈th.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luk 21:28

Ku të cï kakë röt gɔl ë bɛ̈n, jakï nhial lieec, ku jatkï wenïïm, wɛ̈ɛ̈rduön bï we wɛ̈ɛ̈r bei ee guɔ thiɔ̈k.”

Romai 8:33

Eeŋa bï kɔc cïï Nhialic ke lɔc lɔ gaany? Ee Nhialic yen aye Raan ë keek tɔ cïn yiëth gääk!

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Theth 3:10

Wok ee cool ë lɔ̈ŋ aläl wɛ̈ɛ̈rwakɔ̈u ku aköl, ke we buk tïŋ nyïïn, agoku ka dak week ë gämdun looi abïk dikëdik.

2 Theth 1:6

tën ee yen këpiɛth tëde Nhialic luɔi bï en këtuc cool nɔm tëde kɔc ee ye week luöi këtuc,

1 Tim 5:5

Ku tiiŋ cïn nɔm monyde, ku ye thuööm ëgɔk, aŋäthde ee cath ke Nhialic, ago cool ë pal Nhialic ku lɛ̈ŋ wɛ̈ɛ̈rwakɔ̈u ku aköl.

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

2Tim 2:10

Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

1 Pet 1:1

Yɛn Petero, tuny ë Yecu Kërtho, awerek en gäär kɔc cï thiëi ë wuöt lei, kɔc ë Ponto, ku Galatia, ku Kapadokia, ku Athia, ku Bithunia.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.