Luk 18:23 - JAM DE NHIALIC 2011

²³ Ku të cï en ee kakë piŋ, ke dhiau piɔ̈u arëët: luɔi juëcë kakë arëët.

Luk 18:23 ပူးပေါင်းရင်းမြစ်များ

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Math 19:22

Na wën, aacï ee dhuŋë jamë piŋ, ke jël, ke cï piɔ̈u diu, në luɔi ee yen raan juëc ë kake.

Mak 10:22

Go piɔ̈u rac në jamë, ku jɔ jäl, ke cï piɔ̈u diu, luɔi ee yen raan juëc ë kake.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 18:24

Na wën, aacï Yecu dhiën dhiɛɛu en piɔ̈u tïŋ, ke jɔ lueel an, “Lɔ bï kɔc juëc ë kaken lɔ ë ciɛɛŋ de Nhialic, ee këril oou!

Luk 19:8

Go Dhakayo rɔt jɔt, ku yöök Bɛ̈nydït an, “Tïŋ, Bɛ̈nydït, biäk töŋ de kakï abä yɛn ke kɔc kuanynyïïn miɔɔc, ku na de këde raan däŋ cä nööm në gööny ë lueth, ka bä bɛ cuööt ë ŋuan.”

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luk 8:14

Ku ka cï lööny ë kuɔɔth yiic ayek kɔc ee jam piŋ, ku jɔkï lɔ, ago ke nyiɛɛc në diɛɛr ee kek diɛɛr ë käŋ ku bäny cï kek bäny ku kamit yek kɔɔr ka ke pïïrë, ku cïkï ee luɔk apiɛth.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

1 Jɔn 2:15

Duökï piny nɔm nhiaar, ayï ka nu thïn duökï ke nhiaar. Na de raan nhiaar piny nɔm, ke nhiëër ë Nhialic acïï cath ke ye.